قازاقستاندىق جولاۋشىلار اۋە جۇك تاسىمالىنىڭ تاريفتەرىنە نارازى
اۋە كومپانياسى تاراتقان اقپارات بويىنشا، ولاردا جۇكتەردى (باگاج) جەكە تاسىمالداۋ جۇيەسى قالىپتاسقان، دەپ حابارلايدى قازاقپارات ءتىلشىسى.
Facebook الەۋمەتتىك جەلىسىن قولدانۋشى حاكىم سابىروۆ «استانا، پوحۆاليت/پوجالوۆاتسيا» توبىندا جولجۇگىن تاسىمالداۋعا نارازى بولىپ، وكىلەتتى ورگانداردان Air Astana اۋە كومپانياسى ارەكەتىنىڭ زاڭدىلىعىن تەكسەرۋدى سۇراعان. «بۇگىن، 17.08.2020 كۇنى ساعات 19:05 تە مەنىڭ بالالارىم ك س855 رەيسىمەن الماتىدان نۇر- سۇلتانعا ۇشۋ كەرەك بولاتىن. وزدەرىمەن، ادەتتەگىدەي، الماتىنىڭ الماسى مەن جەمىسىن اكەتپەك بولعان. بيلەتتە 23 ك گ- عا دەيىن جۇك تاسىمالداۋعا رۇقسات ەتىلگەنى كورسەتىلگەن. ال ولار جۇكتى تاپسىرىپ جاتقان كەزدە شەكتەۋ بار ەكەنىن مالىمدەگەن. بۇل شەكتەۋلەر كىشى قارىپپەن تومەنگى جاعىندا جازىلعان. ەسكى يەۆرەيلىك الداۋ جۇيەسى. ولارعا تىركەۋ كەزىندە Air Astana قىزمەتكەرلەرى ءار ادامعا ءبىر جۇكتەن تيەسىلى بولۋ ءۇشىن قوراپ پەن چەمودانداردى ءوز وكىلدەرىنەن 2000 تەڭگەگە وراتىپ الۋدى ۇسىنعان. ياعني، تاعى 6000 تەڭگە تولەۋ كەرەك. سوڭىندا اۋەجايعا دەيىن شىعارىپ سالعان تۋىستاردى قايتا شاقىرىپ، جەمىس سالىنعان قوراپتاردى تاستاپ كەتۋگە ءماجبۇر بولدى. ق ر يندۋستريا جانە ينفراقۇرىلىمدىق دامۋ مينيسترلىگى مونوپوليالاردى رەتتەۋ اگەنتتىگىنەن وسىنداي الاياقتىق جۇيەنىڭ كوشباسشىسى سانالاتىن Air Astana كومپانياسى ارەكەتىنىڭ زاڭ جۇزىندە دۇرىس- بۇرىستىعىن تەكسەرۋدى سۇرايمىن» ، دەلىنگەن حاكىم سابىروۆتىڭ جازباسىندا.
اۋە كومپانياسى جولاۋشىنىڭ شاعىمىنا جاۋاپ بەردى. Air Astana وكىلى جاننا باداۋبايەۆا اۋە كومپانياسىندا جۇكتى جەكەلەپ تاسىمالداۋ جۇيەسى بار ەكەنىن ءتۇسىندىردى. ەرەجەگە سايكەس، ءبىر جولاۋشى 23 كەلىدەن ارتىق جۇك تاسىمالداي المايدى.
«اۋە كومپانياسىنىڭ قىزمەتكەرلەرى نۇسقاۋلىققا سايكەس ارەكەت ەتكەن. ەگەر ءسىزدىڭ بىرنەشە قورابىڭىز بولسا - ءبارىن ءبىر سومكەگە نەمەسە چەمودانعا سالۋىڭىز قاجەت. ەگەر كولەمى نورمالارعا ساي كەلسە جۇكتى بىرىكتىرۋگە رۇقسات ەتىلەدى. بۇل جۇگىڭىزدى بورتقا تيەۋ جانە تاسىمالداۋعا قولايلى بولۋ ءۇشىن جانە تاسىمالداۋ كەزىندە جوعالىپ كەتپەۋ ءۇشىن قاجەت. سونىمەن قاتار، كوروناۆيرۋس ىندەتىمەن كۇرەس اياسىندا قول جۇگى شەكتەلگەن بولاتىن. سول سەبەپتى قولعا تەك ايەلدەر سومكەسى مەن قۇندى زاتتاردى الۋعا عانا رۇقسات بار» ، - دەپ ءتۇسىندىردى اۋە كومپانياسىنىڭ وكىلى.
سونىمەن قاتار، اۋە كومپانياسىنىڭ باسپا ءسوز قىزمەتى جۇكتىڭ سالماعى نورمادان اسىپ كەتكەندە ءتاريفتىڭ قالاي وزگەرگەنىن ايتىپ بەردى.
«سالماعى اسىپ كەتكەن جۇكتىڭ باعاسى باعىت پەن تولەم جاساۋ ۋاقىتىنا بايلانىستى. ماسەلەن، الماتى- نۇر- سۇلتان باعىتىنداعى قوسىمشا جۇك جەڭىلدىكپەن 7 مىڭ تەڭگە تۇرادى، ال ەگەر ۇشۋىڭىزعا ءبىر تاۋلىكتەن از ۋاقىت قالسا - 10 مىڭ تەڭگە. ەگەر جولاۋشىنىڭ جۇگى نورمادان اسىپ كەتسە وعان قوسىمشا ورىنعا تولەي سالعان ءتيىمدى، ءبىراق ونىڭ باعاسى جەڭىلدىكسىز 10 مىڭ تەڭگە بولادى. ەگەر سالماعى اسىپ كەتكەن جۇككە بولەك تولەيتىن بولسا جۇيە وعان 17 مىڭ تەڭگە ەسەپتەپ بەرەدى. 10 مىڭ تەڭگەسى ورىنعا جانە 7 مىڭ تەڭگەسى اسىپ كەتكەن جۇككە. سەبەبى بىزدە جۇكتى جەكەلەپ تاسىمالداۋ جۇيەسى قالىپتاسقان. سول سەبەپتى جولاۋشىلارعا ارتىق كەلىنى قولعا الۋدى ۇسىنادى»، - دەپ ءتۇسىندىردى باسپا ءسوز قىزمەتىنىڭ وكىلدەرى.
اۋە كومپانياسى بىلتىردان باستاپ جۇك تاسىمالداۋ ەرەجەسىنىڭ وزگەرگەنىن ەسكە سالدى. باگاجدىڭ تەگىن نورماسى Piece concept حالىقارالىق جۇيەسى بويىنشا جۇكتىڭ الاتىن ورىندار سانىنا قاراي ەسەپتەلەدى. بۇرىن تاسىمالداناتىن باگاجدىڭ سالماعىن ەسەپتەۋ Weight concept جۇيەسى بويىنشا جۇرگىزىلەتىن. بۇل تاجىريبەنى حالىقارالىق تاسىمالداۋشىلار كەڭىنەن قولدانادى. 2019 -جىلدىڭ 7 -تامىزىنان باستاپ تاڭداعان تاريفكە بايلانىستى جولاۋشىلار وزدەرىمەن ءبىر نەمەسە ەكى سومكە الىپ جۇرەدى. ءبىر سومكەنىڭ ماكسيمالدى سالماعى ەكونوم- كلاسستا 23 ك گ جانە بيزنەس- كلاسستا 32 ك گ. ەگەر سىزگە كوبىرەك جۇكتى تاسىمالداۋ كەرەك بولسا ۇشاردان كەم دەگەندە 24 ساعات بۇرىن %30 جەڭىلدىكپەن ورىن ساتىپ الا الاسىز.
اۆتور: ارايلىم مۇرات
