قاراعاندى وبلىسىندا تايماس باتىر كەسەنەسى قالپىنا كەلتىرىلدى
تاريحي نىسان مەملەكەت قاراۋىنا الىنعان جانە «قاسيەتتى قازاقستان» جوباسىنا ەنگىزىلگەن، دەپ حابارلايدى قازاقپارات ءوڭىر باسشىسىنىڭ رەسمي سايتىنا سىلتەمە جاساپ.
تايماس باتىر كەنەسارى حان جاساقتارى باسشىسىنىڭ ءبىرى بولدى. قولباسشى ءوزىنىڭ ەرلىكتەرىمەن ۇلى دالانىڭ داڭقىن شىعاردى. كەسەنەنى قالپىنا كەلتىرۋ «رۋحاني جاڭعىرۋ» باعدارلاماسى بويىنشا جاسالدى. قالپىنا كەلتىرۋ كەزىندە نىساننىڭ ساۋلەتتىك تاريحي كوركى ساقتالدى. جەرگىلىكتى اقساقالدار مەن زيالىلار قاۋىمى جۇمىستى وڭ باعالادى.
- تايماس باتىر - ۇلت- ازاتتىق قوزعالىستا سانسىز كوپ اسكەردىڭ ساياسي جەتەكشىسى عانا ەمەس، سونىمەن بىرگە التاي ءوڭىرىنىڭ قارەكە ءبيى بولدى. بۇل تۋرالى ءتۇرلى دەرەككوزدەگى تاريحي فاكتىلەر ايعاقتايدى، - دەپ اتاپ ءوتتى تاريحشى تەمىرعالي ارشابەكوۆ.
