قازاقستان كاسىپكەرلەرى بىرىككەن اراب امىرلىگىنە بال ەكسپورتتاپ جاتىر
«ەكسپورتتىق قارجىلاندىرۋ بويىنشا پايىزدىق ستاۆكانى سۋبسيديالاۋ تۇرعىسىندا تاعى ءبىر قادامعا باستاماشىلىق ەتتىك. بۇل ءوز كەزەگىندە سىرتقى نارىقتارعا جوعارى تەحنولوگيالىق ءونىمدى جەتكىزۋ بويىنشا شارتتارعا قولداۋ جاسايدى. قولداۋدىڭ وسى ءتۇرىن كۇتىپ وتىرعان كاسىپورىندار ءتىزىمى بار، ولار جىل سايىن 300 ميلليارد تەڭگەدەن استام سوماعا وسىنداي ءونىمدى ەكسپورتتاۋعا دايىن»، - دەدى مينيستر ونلاين رەجيمدە حالىق الدىندا ەسەپ بەرۋ كەزىندە.
وسى ورايدا ول ەكسپورتتاۋشىلارمەن تاۋلىك بويى بايلانىستا بولۋ تەتىكتەرى ەسكەرىلگەنىن جەتكىزدى.
«بيىل لەپسىدەن بىرىككەن اراب امىرلىگىنە 10 توننا بال جەتكىزۋگە كومەكتەستىك. سونىمەن قاتار، 22 توننا ەت ونىمىنە اۆياەكسپرەسس ۇيىمداستىردىق. وتكەن جىلى العاش رەت ءبىزدىڭ اككۋمۋلياتورلاردى يتالياعا ەكسپورتتاۋ ىسكە اسىرىلدى. كامبودجاعا ۇشۋ- ناۆيگاتسيالىق ترەناجەرلەرىن جونەلتتىك. بۇل ءوز كەزەگىندە ەكسپورتتاۋشىلار ءۇشىن مەملەكەتتىك قولداۋ شارالارى ەلەۋلى ەكەنىن بايقاتىپ وتىر»، - دەدى سۇلتانوۆ.
اۆتور: رۋسلان عابباسوۆ
