جاڭبىر، جەل - بەيسەنبىگە ارنالعان اۋا رايى

اتموسفەرالىق اعىنداردىڭ وتۋىنە بايلانىستى كۇن كۇركىرەپ، جاڭبىر جاۋادى. تەك ەلىمىزدىڭ وڭتۇستىگى مەن باتىسىندا كۇن رايى اشىق. كەي جەرلەردە جەل كۇشەيەدى، داۋىل سوعادى، بۇرشاق جاۋۋى ىقتيمال، سولتۇستىكتە جانە شىعىستا تۇمان ءتۇسۋى مۇمكىن.

سولتۇستىك قازاقستان وبلىسىنىن كەي جەرلەرىندە تۇمان ءتۇسىپ، داۋىل سوعادى، بۇرشاق جاۋۋى ىقتيمال. جەل كۇشەيىپ، تۇندە كەي جەرلەردە 15-20 م/س، كۇندىز 15-20، ەكپىنى 25 م/س جەتەدى.

قاراعاندى، اقمولا وبلىستارىنىڭ كەي جەرلەرىندە داۋىل سوعادى، بۇرشاق جاۋۋى ىقتيمال. جەل كۇشەيىپ، كۇندىز ەكپىنى 23-28 م/س جەتەدى.

پاۆلودار وبلىسىنىڭ كەي جەرلەرىندە داۋىل سوعادى، بۇرشاق جاۋۋى ىقتيمال. تۇندە كەي جەرلەردە، كۇندىز ءوڭىردىڭ باسىم بولىگىندە 15-20 م/س جەل سوعادى.

شىعىس قازاقستان وبلىسىندا تۇندە كەي جەرلەرىندە تۇمان تۇسەدى، كۇندىز كەي جەرلەرىندە جەل 15-20 م/س كۇشەيەدى. قىزىلوردا، تۇركىستان وبلىستارى، جامبىل وبلىسىنىڭ باسىم بولىگىندە، الماتى، اتىراۋ وبلىستارىنىڭ كەي جەرلەرىندە، قاراعاندى وبلىسىنىڭ وڭتۇستىك-باتىسىندا توتەنشە ءورت قاۋپى ساقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى