سىبايلاس جەمقورلىقپەن كۇرەس جۇمىستارىن قايتا قۇرۋ كەرەك – پرەزيدەنت
پرەزيدەنتتىڭ ايتۋىنشا، ادامدار شەنەۋنىكتى نەمەسە قانداي دا ءبىر باسشىسىنىڭ جاۋاپكەرشىلىككە تارتىلۋى جاعدايىمەن قاتار، ولار قىزمەت ەتكەن مەم ورگاننىڭ جۇمىسىندا ءتيىستى وڭتايلا وزگەرىستەر بولعانىن كورۋى ءتيىس. ياعني وسىنداي وزگەرىستەر سىبايلاس جەمقورلىق سياقتى تەرىس ارەكەتتەردىڭ قايتالانباۋىنا ىقپال ەتۋى كەرەك. مەملەكەت باسشىسى كەشەندى ءارى الدىن الۋ جۇمىستارى ءتيىستى دەڭگەيدە ەمەستىگىن اتاپ ءوتتى.
«ىندەتتىڭ تارالۋى كەزىندە ءدارى- دارمەكتىڭ تاپشىلىعىنان كەيىن مەديتسيناداعى سىبايلاس جەمقورلىقتى تەكسەرىپ، انىقتاي باستادى. ونداعان ميلليارد تەڭگە جۇمسالعاننان كەيىن وسى سالاداعى سيفرلاندىرۋ كەزىندەگى كەمشىلىكتەر جايىندا قازىر ايتىلىپ وتىر. قازىرگى كەزدە ءبىلىم بەرۋ، جۇمىسپەن قامتۋ ءارى الەۋمەتتىك نىساندارعا قوماقتى قاراجات بولۋدەمىز»، - دەدى قاسىم- جومارت توقايەۆ.
وسى ورايدا پرەزيدەنت بۇل سالالاردا قاراجات جىمقىرۋ جاعدايلارىنىڭ بولمايتىنىنا كەپىلدىك جاسالۋى كەرەكتىگىن جەتكىزدى.
«بۇل باعىتتاعى جۇمىستى تۇبەگەيلى قايتا قۇرۋ كەرەك دەپ پايىمدايمىن. بۇگىندە مەملەكەت پەن ازاماتتاردىڭ كۇش- جىگەرىن بىرىكتىرەتىن ۋاقىت كەلدى. سىبايلاس جەمقورلىق - ول تەرەڭدە جاتقان الەۋمەتتىك ىندەت. ونى جالپى كۇش- جىگەرمەن عانا جەڭە الامىز. قوعامدىق باقىلاۋدىڭ جاڭا فورمالارى جانە باسقارۋشىلىق شەشىمدەردىڭ بارىنشا اشىقتىعى كەرەك»، - دەدى پرەزيدەنت.
اۆتور: رۋسلان عابباسوۆ
