پرەزيدەنت سىبايلاس جەمقورلىققا قارسى باستاماسى جوق پاسسيۆ باسشىلار تۋرالى اقپارات تالاپ ەتتى

«سونىمەن قاتار، مەملەكەتتىك ورگانداردىڭ قىزمەتىنە ءجونسىز ارالاسۋدى دوعارعان ءجون. سىبايلاس جەمقورلىق پەن باسقارۋ ىسىندەگى ولقىلىقتاردىڭ ارا جىگىن ناقتى اجىراتا ءبىلۋ قاجەت. قىلمىستىق پروتسەسس وربيتاسىنا ادال، وزىنە جاۋاپكەرشىلىك الۋدان قورىقپايتىن شەنەۋنىكتەر تارتىلماۋى ءتيىس. مەملەكەتتىك اپپارات شەشىم قابىلداۋدان قورىقپاۋى ءتيىس»، - دەدى مەملەكەت باسشىسى كەڭەس بارىسىندا.

ق ر پرەزيدەنتىنىڭ اتاپ وتۋىنشە، بۇگىندە مەملەكەتتىك قىزمەتشىلەردىڭ باستاما كوتەرمەيتىندىگى، جاۋاپكەرشىلىكتەن جالتارۋى، باسى ارتىق اۋرە- سارساڭعا سالۋشىلىعى سىندى تەندەنسيا بايقالىپ وتىر. مۇنداي جاعداي، اسىرەسە، كوروناۆيرۋس ىندەتى كەزىندە انىق بايقالدى.

«جەمقورلىقپەن بەلسەندى كۇرەس ناۋقانشىلدىققا جانە زۇلىمداردى ۇستاۋعا اينالىپ كەتپەۋى ءتيىس. جاۋاپتى ءارى زاڭعا مويىنسۇناتىن مەملەكەتتىك قىزمەتشىلەردىڭ جۇمىس ساپاسىنا قالاي بولعاندا دا اسەرىن تيگىزبەۋى قاجەت. مەنىڭ تاپسىرماممەن قازىرگى ۋاقىتتا سىبايلاستارىنىڭ كورسەتۋىمەن عانا سوتتاۋ مۇمكىندىگى جويىلىپ، قىلمىسقا ارانداتقانى ءۇشىن قىلمىستىق جاۋاپكەرشىلىك ەنگىزىلەدى. بۇل نورمالار قۇقىق قورعاۋ ورگاندارى تاراپىنان جۇگەنسىزدىكتىڭ جولىن كەسۋگە مۇمكىندىك بەرەدى»، - دەدى قاسىم- جومارت توقايەۆ.

وسى رەتتە مەملەكەت باسشىسى ەلىمىزدىڭ باس پروكۋراتۋراسى مەن سىبايلاس جەمقورلىققا قارسى قىزمەتىنە جارتى جىلدىق ەسەپ- قيساپتا لايىقتى سىبايلاس جەمقورلىققا قارسى باستاماسى جوق پاسسيۆ باسشىلار تۋرالى اقپارات بەرۋىن تاپسىردى.

«بۇل جەرگىلىكتى اتقارۋشى ورگاندارعا دا قاتىستى»، - دەپ ناقتىلادى قازاقستان پرەزيدەنتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى