قازاقستان اۆتوپاركى ەسكىرىپ بارادى: جاڭا كولىكتى نەسيەگە قالاي ءتيىمدى الۋعا بولادى؟

بۇل ءبىر جىل بۇرىنعى كورسەتكىشتەن 2,9 پايىزعا كوپ، دەپ حابارلايدى قازاقپارات ءتىلشىسى ranking.kz-كە سىلتەمە جاساپ.

ەلىمىزدىڭ اۆتوپاركىنىڭ ۇشتەن ەكىگە جۋىعىن شىعارىلعانىنا 10 جىلدان اسىپ كەتكەن ەسكى كولىكتەر قۇرايدى. ال زاۋىتتان شىققانىنا 3 جىل بولا قويماعان اۆتوموبيلدەردىڭ سانى ەلىمىزدەگى جالپى كولىكتەردىڭ نەبارى 10,9 پايىزىن قۇراپ وتىر.

3-7 جىل ارالىعىندا كولىكتەردىڭ ۇلەسى - 15,2 پايىز، 7-10 جىل ارالىعىنداعى كولىكتەردىڭ ۇلەسى - 6,4 پايىز.

جاڭا كولىك ساتىپ العىسى كەلەتىن قازاقستاندىقتارعا بانكتەر ارنايى نەسيە ونىمدەرىن ۇسىنادى.

ەلىمىزدەگى نەسيە بەرەتىن ەڭ ءىرى 10 بانكتىڭ اراسىندا 5 ەكىنشى دەڭگەيلى بانك (ە د ب)، اتاپ ايتقاندا ەۋرازيا بانكى، سەنتركرەديت بانك، حالىق بانكى، ا ت ف بانكى جانە سبەربانك جالاقى جوباسىنان تىس جاڭا اۆتوموبيل ساتىپ الۋعا اۆتونەسيە ۇسىنادى.

بۇل رەتتە، سبەربانك جىلدىق ەڭ تومەنگى ءتيىمدى ستاۆكانى - 19,4، حالىق بانكى - 21,2، ال سەنتركرەديت بانكى 21,9 پايىز مولشەرىندە ۇسىنادى.

جاڭا اۆتوموبيل قۇنىنىڭ 10 پايىزى مولشەرىندە ەڭ تومەنگى العاشقى جارنانى سبەربانك پەن ەۋرازيا بانكى تالاپ ەتەدى. ال بۇل مولشەر سەنتركرەديت بانكى، حالىق بانكى جانە ا ت ف بانكىندە 20 پايىزدى قۇرايدى.

بەرىلەتىن زايم سوماسى ءۇش بانكتە ناقتى كورسەتىلگەن: حالىق بانكى مەن ەۋرازيا بانكىندە - 30 ميلليون تەڭگەگە دەيىن، ا ت ف بانكىندە - 15 ميلليون تەڭگەگە دەيىن. زايمدى وتەۋ مەرزىمى 36 ايدان باستاپ 84 ايعا دەيىنگى ارالىقتى قامتيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى