كوتەرىسشىلەر پرەزيدەنت پەن پرەمەر-ءمينيستردى كەپىلگە الدى - ب ا ق
جەرگىلىكتى جانە باتىس بۇقارالىق اقپارات قۇرالدارىنىڭ مالىمەتىنشە، كوتەرىلىس دۇيسەنبىدە مالي استاناسى باماكونىڭ ماڭىنداعى اسكەري كۇشتەردىڭ بازاسىندا باستالعان.
«پرەزيدەنت پەن پرەمەر-مينيستر ءبىزدىڭ باقىلاۋىمىزدا. ءبىز ولاردى پرەزيدەنت رەزيدەنتسياسىندا قاماۋعا الدىق. قازىرگى تاڭدا پرەزيدەنت پەن پرەمەر-مينيستر برونەترانسپورتەردا وتىر. ءبىز ولاردى كاتيعا اپارا جاتىرمىز»، - دەيدى فرانس پرەسس اگەنتتىگىنە كوتەرىسشىلەردىڭ ءبىرى.
مالي ۇكىمەتى وسىعان دەيىن كوتەرىسشىلەردى سابىر ساقتاپ، ديالوگ ورناتۋعا شاقىرعان. پرەمەر- مينيستر كومميۋنيكەگە دە قول قويعان بولاتىن.
جەرگىلىكتى ب ا ق- تىڭ حابارىنا قاراعاندا، كوتەرىسشىلەردى دياۋ جانە كامارا ەسىمدى پولكوۆنيكتەر، گەنەرال شەيك فانتامادي دەمبەلە باسقارىپ وتىر.
