ارمەنيادان اكەلىنگەن كولىكتەردى تىركەۋ اياقتالۋعا جاقىن
ەسكە سالا كەتەيىك، ارمەنيادان اكەلىنگەن كولىك قۇرالدارىن تىركەۋ ەلدىڭ بارلىق وڭىرىندە 1- قىركۇيەككە دەيىن جۇرگىزىلەدى.
تىركەۋگە جاتاتىن كولىكتەر: ارمەنيانىڭ ۋاكىلەتتى ورگانىندا قازاقستان ازاماتتارىنىڭ اتىنا تىركەلگەن جانە 2020-جىلعى 1- اقپانعا دەيىن ەلىمىزگە اكەلىنگەن ءرۋلى سول جاقتا ورنالاسقان اۆتوموبيلدەر.
بۇل رەتتە، زاڭدا كوزدەلگەن باستاپقى تىركەلگەنى ءۇشىن الىم، ۋتيليزاتسيالىق الىم جانە كەدەندىك باج الىنىپ تاستالعان.
بۇدان باسقا، وسى تىركەۋ ناۋقانى اياسىندا الداعى ۋاقىتتا قانداي دا ءبىر وزگە الىمداردى تولەۋ بويىنشا ەشقانداي مىندەتتەمە تۋىندامايدى.
ايتا كەتۋ كەرەك، 1- ماۋسىمنان باستاپ اقمولا وبلىسى بويىنشا قاجەتتى قۇجاتتاردى ۇسىنعان جانە مەملەكەتتىك باج سالىعىن تولەگەن 231 ادام كولىك قۇرالىن تىركەگەن.
ەسەپكە الىنعان كولىكتەرگە سارى ءنومىر بەرىلەدى. ءرۋلى وڭ جاقتا ورنالاسقان اۆتوكولىكتەر تىركەۋگە جاتپايدى.
بۇگىنگى تاڭدا مامانداندىرىلعان حالىققا قىزمەت كورسەتۋ ورتالىعىنداعى Call-ورتالىقتا 87766343168؛ 87750364173 نومىرلەرى بويىنشا ءتۇسىندىرۋ جۇمىستارى جۇرگىزىلۋدە.
