قازاقستاندىق دويبىشى حالىقارالىق جارىستا جەڭىمپاز اتاندى
حالىقارالىق دويبى فەدەراتسياسى (IDF) ءمالىم ەتكەنىندەي، 2020-جىلعى ينتەللەكتۋالدىق سپورت وليمپياداسى (MSO) اياسىندا بيىل Gambler تۇعىرناماسىندا دويبى-64 تەن ونلاين جارىستار وتكىزىلدى.
وليمپيادا اياسىندا دويبى-64 تەن ءتورت ونلاين تۋرنير ۇيىمداستىرىلدى. جاستار اراسىنداعى جارىسقا 174 سپورتشى قاتىسىپ، 11، 14 جانە 17 جاسقا دەيىنگىلەر اراسىندا جەڭىمپاز-جۇلدەگەرلەر انىقتالدى.
17 جاسقا دەيىنگى قىزدار اراسىندا قازاقستاندىق انەل داۋلەتوۆا ۇزدىك شىقسا، بەلارۋس ەلىنىڭ وكىلى ۆيكتوريا نيكولايەۆا ەكىنشى، رەسەيلىك الەنا بولشاكوۆا ءۇشىنشى ورىنعا يە بولدى. وعان قوسا ۇلدار مەن قىزدار اراسىندا جالپى ەسەپتە ب ق و- نىڭ دويبىدان اعا باپكەرى، قازاقستاننىڭ ەڭبەك سىڭىرگەن جاتتىقتىرۋشىسى دانيار جۇماگەلديەۆتىڭ شاكىرتتەرى ەكىنشى ورىنعا كوتەرىلدى.
بۇل انەلدىڭ ءبىرىنشى تابىسى ەمەس. ول بۇعان دەيىن ەكى دۇركىن الەم چەمپيونى اتانعان بولاتىن.
ەسكە سالا كەتەيىك، بۇدان بۇرىن باتىس قازاقستاندىق قوس دويبىشىنىڭ الەم چەمپيونى اتانعانىن جازعان بولاتىنبىز.
