اشىققان ادام اقىلدى

ساناسى مەن دەنەسى اشىققان ادام تابىس تابۋ مەن قيىندىقتان شىعۋدىڭ جولىن قاراستىرارى اتام زاماننان بەلگىلى.

ەگەر ادامزات اشىقپاعان بولسا، مۇنداي ەۆوليۋتسياعا، تەحنولوگيا مەن عىلىمعا قول جەتكىزبەس ەدى. اشىقپاۋدىڭ جولىن ىزدەگەن العاشقى ادامدار تابيعاتتى يگەرىپ، جەر وڭدەدى، جانۋارلاردى قولعا ۇيرەتىپ، مال اسىرادى. مۇنىڭ ءبارى تەرىمشىلىك پەن اڭشىلىقتان شىعۋعا جول اشتى. ءسويتىپ وركەنيەتكە قول جەتكىزدى. ارينە، بۇل - ەۆوليۋتسيا زاڭدىلىعى.

الايدا اشىعۋدىڭ بيولوگيالىق تۇستارى دا بار. مەديتسينادا اشىعۋدى اۋرۋدىڭ الدىن الۋ مەن مي قىزمەتىن جاسقارتۋعا قولدانادى. ماسەلەن، عالىمدار اس قورىتۋ، ىشەك قىزمەتىن جۇرگىزەتىن پەپتيدتى گورمون - گرەليننىڭ ادامنىڭ تابەتىن اشىپ، اشىعۋىن جەدەلدەتەتىن قاسيەتىمەن قاتار، مي جۇمىسىن دا جاقسارتاتىن كومەگى بارىن انىقتاعان. اشىققان دەنەدە بيولوگيالىق قۇبىلىس ىسكە قوسىلىپ، تازارۋ مەن جاڭارۋ جۇرەدى.

ياعني، اشىققان ادامنىڭ ميىندا جاڭا جاسۋشىلار پايدا بولادى دا، سودان مي قىزمەتىن كۇشەيەدى ءارى كارىلىكتىڭ الدىن الادى.

عالىمدار گرەليننىڭ ميعا پايدالى ەكەنىن دالەلدەمەك بولىپ، گورموننىڭ بىرنەشە تامشىسىن ميعا ەگىپ كورگەن. سوندا ميدىڭ نەيروگەنەزىنە - جاڭا جاسۋشالاردى شىعارۋ ۇردىسىنە جاۋاپ بەرەتىن گەندەردىڭ ىسكە قوسىلعانىن بايقاعان.

ال تىشقاندارعا جاسالعان تاجىريبەدە كەمىرگىشتەردىڭ ەستە ساقتاۋى جاقسارىپ، ۇيرەنۋگە دە دەگەن قابىلەتى ارتقانى بايقالعان.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى