ەۋروپا ليگاسى: «ينتەر» فينالعا جولداما الدى

جارتىلاي فينالدىڭ ەكىنشى كەزدەسۋىندە يتاليانىڭ «ينتەر» جانە ۋكراينانىڭ «شاحتەر» كوماندالارى شەبەرلىك بايقاستى. ويىن تارتىستى ءوتتى دەۋگە نەگىز بار. ەكەۋى دە شابۋىلعا كوبىرەك شىعىپ، قىزۋ ويىن وتكىزدى. دەسە دە ءبىرىنشى كەزەڭدە «ينتەر» كومانداسىنىڭ جولى بولدى. ويىننىڭ 19-مينۋتىندا لاۋتارو مارتينەس ۋكراين قورعاۋشىلارىنىڭ قاتەلىگىن شەبەر پايدالانىپ كەتتى.

بۇدان كەيىن قوس كوماندا تاراپىنان دا ەسەپتى وزگەرتەتىن بىرنەشە مۇمكىندىك كەزدەستى.

الايدا تابلوداعى ەسەپ سول كۇيىنشە وزگەرىسسىز قالدى. ەكىنشى كەزەڭدە «شاحتەردىڭ» قاقپاسىنا تاعى دا ءتورت گول سوعىلدى. ونى دانيلو د'امبروزيو 64، لاۋتارو مارتينەس 74، رومەلۋ لۋكاكۋ 78، 83-مينۋتتاردا قاقپاعا ەنگىزدى.

وسىلايشا «ينتەر» 5:0 ەسەبىمەن جەڭىسكە جەتتى. بۇدان بۇرىن فينالعا يسپانيانىڭ «سيەۆيليا» كومانداسى جولداما العان بولاتىن.

ول 16- تامىزدا انگليانىڭ «مانچەستەر يۋنايتەد» كومانداسىنان 2:1 ەسەبىمەن باسىم تۇسكەن بولاتىن. فينال 21- تامىزدا كەلن قالاسىنداعى «رەين ەنەرگي» ستاديونىندا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى