فۋتبولدان قازاقستان چەمپيوناتى ويىندارىنىڭ كەستەسى جاريالاندى

بۇل جونىندە قازاقستان كاسىپقوي فۋتبول ليگاسى ءمالىم ەتتى. ليگا سايتىندا 18-30- تامىز كۇندەرى ارالىعىندا وتەتىن ويىن كەستەسى جاريالاندى.

ەستەرىڭىزگە سالا كەتسەك، ەلىمىزدە كوروناۆيرۋس ينفەكتسياسى الدىن الۋ ماقساتىندا الداعى ويىندار الماتى جانە تالعار قالالارىنداعى ءتورت ستاديوندا وتكىزىلەدى.

اتالعان تۋرداعى ءۇش ويىن 18، بىرەۋى 19- تامىز كۇنى بولادى. اتاپ ايتقاندا، 18- تامىزدا اقتاۋدىڭ «كاسپي» جانە الماتىنىڭ «قايرات» (تالعار. وقۋ-جاتتىعۋ بازاسى. 17.00) كلۋبتارى شەبەرلىك بايقاسادى. سول كۇنى تالدىقورعاننىڭ «جەتىسۋ» جانە شىمكەنتتىڭ «ورداباسى» (الماتى. ورتالىق ستاديون. 19.00)، جامبىل وبلىسىنىڭ «تاراز» جانە پەتروپاۆلدىڭ «قىزىلجار» (الماتى. «جاس قىران» ستاديونى. 21.00) كوماندالارى جاسىل الاڭعا شىعادى.

ال 19- تامىزدا قاراعاندىنىڭ «شاحتەر» جانە قىزىلوردانىڭ «قايسار» (الماتى. ت. سەگىزبايەۆ اتىنداعى ستاديون. 18.00) بولادى.

بۇل تۋرداعى قوستانايدىڭ «توبىل» جانە ەلوردالىق «استانا» كلۋبتارىنىڭ كەزدەسۋى كەيىنگە قالدىرىلدى. سەبەبى، 18- تامىزدا «استانا» چەمپيوندار ليگاسى ءبىرىنشى كەزەڭىندە سىرت الاڭدا بەلارۋستىڭ «دينامو» (برەست) كلۋبىمەن جارىستىڭ ەكىنشى ساتىسىنا بەرىلەتىن جالعىز جولداما ءۇشىن تالاسادى.

ەستەرىڭىزگە سالا كەتەلىك، قازىرگە دەيىن ەلىمىزدە ءۇش تۋر ويىندارى وتكىزىلدى. العاشقى ەكى تۋردان كەيىن كوروناۆيرۋس ينفەكتسياسىنا بايلانىستى چەمپيونات بەلگىسىز مەرزىمگە كەيىنگە شەگەرىلدى. ودان كەيىن 1- شىلدەدە ءۇشىنشى تۋر وتكىزىلىپ، ەلىمىزدە كارانتين شارالارىنىڭ كۇشەيتىلۋىنە بايلانىستى قالعان ويىندار تاعى دا كەيىنگە شەگەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى