نۇر- سۇلتاندا سوڭعى ناۋقاس كوروناۆيرۋستان تولىق ايىعىپ، نارەستەسىمەن اۋرۋحانادان شىقتى
بوسانعان ايەل جۇقپالى اۋرۋلار اۋرۋحاناسىنا تامىزدىڭ باسىندا كوروناۆيرۋس جۇقتىرىپ، ورتا دارەجەدەگى پنيەۆمونيامەن ءتۇستى. ونىڭ تىنىسى تارىلىپ، شۇعىل وپەراتسيا جاسالدى. بالا امان- ەسەن دۇنيەگە كەلدى. اۋرۋدان تازا ايىعۋىنا بايلانىستى انا مەن بالا اۋرۋحانادان شىعارىلدى. 17 - تامىزدا №1 كوپبەيىندى قالالىق اۋرۋحانانىڭ اكۋشەرلىك بولىمشەسى كوروناۆيرۋستەن سوڭعى ناۋقاستىڭ ەمدەلىپ شىعۋىنا بايلانىستى جۇقپالى اۋرۋلار اۋرۋحاناسى رەتىندە قىزمەتىن توقتاتىپ، شتاتتىق رەجيمدە جۇمىس ىستەۋگە دايىندالۋدا. ايەلدىڭ تۋىستارى اۋرۋحانانىڭ بارلىق قىزمەتكەرلەرىنە، دارىگەرلەرگە العىس ءبىلدىردى.
«دارىگەرلەردىڭ تىنىمسىز ەڭبەگىنىڭ ارقاسىندا بالالارىمىز امان- ساۋ ۇيگە ورالدى» دەيدى ولار. №1 كوپسالالى قالالىق اۋرۋحانانىڭ اكۋشەرلىك بولىمشەسى 17 - ماۋسىمدا جۇقپالى اۋرۋلار اۋرۋحاناسى بولىپ قايتا قۇرىلىپ، كوروناۆيرۋس ينفەكتسياسى بار جۇكتى ايەلدەرگە كومەك كورسەتتى. مۇندا بارلىعى 779 ناۋقاس ەمدەلدى، ولاردىڭ ىشىندە 378 ى اۋىر جانە ورتاشا پنيەۆمونيامەن تۇسكەن. بارلىق جۇمىس كەزەڭىندە ينفەكتسيالىق اكۋشەرلىك بولىمدە 351 نارەستە دۇنيەگە كەلدى.
