شىعىس قازاقستاندا يوگۋرتتىڭ جاڭا ءتۇرى وندىرىلەدى
ش ق و- دا سوڭعى جىلدارى ءسۇت ءوندىرۋ سالاسى قارقىندى دامۋدا. وبلىستىڭ ءسۇت ونىمدەرىن شىعارۋ بويىنشا ەلىمىزدە كوشباسشى وڭىرگە اينالۋعا الەۋەتى جەتەدى. «جەرگىلىكتى وندىرۋشىلەردىڭ تاۋارلارى شىعىس قازاقستاندا عانا ەمەس، باسقا وڭىرلەردە، الماتى مەن نۇر- سۇلتان قالالارىندا ساتىلىمعا شىعارىلىپ، تۇتىنۋشىلاردىڭ وڭ باعاسىن الدى. سوڭعى بەس جىل ىشىندە حالىقتان ءسۇت جيناۋ 17 ەسەگە ارتىپ، تابيعي ەكۆيۆالەنت كورسەتكىشى 13 ەسەگە كوبەيدى. الداعى ۋاقىتتا بۇل باعىتتاعى جۇمىستار جالعاسىن تابادى»،- دەپ حابارلادى ش ق و اقپارات ورتالىعى. ايماق باسشىسى دانيال احمەتوۆتىڭ ايتۋىنشا، بيىل 153 مىڭ تونناعا دەيىن ءسۇت وڭدەلىپ، كاسىپورىنداردىڭ جۇكتەمەسى %87- عا جەتەدى دەپ جوسپارلانىپ وتىر. ايتا كەتەيىك، بەس جىل بۇرىن بۇل كورسەتكىش - % 29 بولعان. حالىققا ءتۇسىندىرۋ جۇمىستارى جۇرگىزىلىپ، ءسۇت كووپەراتيۆتەرى قۇرىلىپ، زاماناۋي جانە كلاسسيكالىق ۇلگىدەگى ءسۇت- تاۋارلى فەرمالار قۇرىلىپ، جوعارى تەحنولوگيالىق قۇرالدار ەنگىزىلگەن سوڭ بۇل كورسەتكىش 3 ەسەگە ارتتى.
جۇرگىزىلگەن تالداۋدىڭ ناتيجەسىندە بولىنگەن 22 ميلليارد تەڭگە حالىقتىڭ قاجەتتىلىگىن جابۋعا جەتپەيتىنى انىقتالدى. ويتكەنى دۇكەن سورەلەرىندە جەرگىلىكتى وندىرۋشىلەردىڭ ونىمدەرىمەن قاتار، كورشىلەس ايماقتار مەن رەسەي فەدەراتسياسىنان كەلگەن ونىمدەر تۇرادى. سوندىقتان باستى مىندەت يوگۋرت پەن ىرىمشىكتىڭ تۇرلەرىن وندىرۋدى ارتتىرۋعا تىرەلەدى.
«بۇل ءۇشىن جىل سايىن قوسىمشا 228 مىڭ توننا ءسۇت پەن وڭدەۋ ءىسىنىڭ كولەمىن ەكى جارىم ەسەگە ارتتىرۋ كەرەك. سونداي- اق ءسۇت- تاۋارلى فەرمالاردى سالۋعا كوڭىل بولىنەدى. ماسەلەن، بيىل وسىنداي 2 فەرما سالىندى. جوسپارعا سايكەس 5 ءسۇت قابىلداۋ پۋنكتىنىڭ تورتەۋى اشىلدى. جالپى شىعىس قازاقستاندا ءسۇت وندىرۋ سالاسىن دامىتۋ باعدارلاماسىنىڭ كورسەتكىشى جامان ەمەس. ءوڭىر جوعارى ساپالى تابيعي ءسۇت ونىمدەرىمەن ءوڭىر تۇرعىندارىن عانا ەمەس، قازاقستاننىڭ وزگە وبلىستارىن دا قامتاماسىز ەتە الادى» ، - دەلىنگەن مالىمەتتە.
