التىن ءوندىرۋشى كومپانيادان ءبىرقاتار زاڭ بۇزۋشىلىق انىقتالدى
دەپ حابارلايدى قازاقپارات ۆەدوموستۆونىڭ Telegram-كانالىنا سىلتەمە جاساپ.
بۇعان دەيىن اۋىل تۇرعىندارى لاس اۋامەن تىنىستاپ، شاڭنىڭ ورتاسىندا قالىپ وتىرعاندارىن ايتىپ، بەستوبە جانە اقسۋ كەنىشتەرىنىڭ جۇمىسىنا شاعىمدانعان بولاتىن. تەكسەرۋ بارىسىندا جەلدى كۇندەرى بەستوبە، اقسۋ جانە زاۆودسكوە اۋىلدارىن شاڭ باساتىنى راستالدى. سونداي- اق، اۋىل ىرگەسىندە مينيسترلىكتىڭ مەملەكەتتىك ەكولوگيالىق قورىتىندىسىز قالدىقتاردى ساقتاۋ ورنى مەن فابريكا قۇرىلىسىنىڭ باستالعانى انىقتالدى.
تۇرعىنداردىڭ سوزىنشە، «التىن الماس» كومپانيالار توبىنا قاراستى «Аqsu technology»
كومپانياسى بۇل ەكى نىساندى تۇرعىنداردىڭ كەلىسىمىنسىز سالىپ العان. ال التىن ءوندىرۋشى كومپانيا وكىلدەرى مۇنداي قادامعا قالدىقتاردى ساقتايتىن ورىن قالماعاندىقتان بارعاندارىن ايتۋدا. قازىر مينيسترلىك وكىلدەرى قۇرىلىس جۇمىستارىن توقتاتىپ، كاسىپورىندى جاۋاپكەرشىلىككە تارتتى. ق ر ە گ ت ر م ەكولوگيالىق رەتتەۋ جانە قاداعالاۋ كوميتەتىنىڭ وكىلدەرى كومپانيا باسشىلارىنا شۇعىل ارادا قوعامدىق تىڭداۋ وتكىزىپ، حالىقتىڭ كەلىسىمىن الۋدى تالاپ ەتتى. ەگەر جەرگىلىكتى تۇرعىندار كەنىشتىڭ جۇمىس ىستەۋىنە كەلىسپەسە، مەملەكەتتىك ەكولوگيالىق قورىتىندىنىڭ وڭ ناتيجەسى بەرىلمەيتىنىن ەسكەرتتى. ەكولوگيالىق رەتتەۋ جانە قاداعالاۋ كوميتەتىنىڭ ءتوراعاسى زۋلفۋحار جولداسوۆ «كومپانيا قايتادان قوعامدىق تىڭداۋ وتكىزىپ، حالىقتىڭ كەلىسىمىن الىپ، ءتيىستى قۇجاتتارىن زاڭداستىرعاندا عانا قۇرىلىسىن جالعاستىرا الادى»، - دەپ مالىمدەدى.
ءوز كەزەگىندە التىن ءوندىرۋشى كومپانيا وكىلدەرى حالىقتىڭ الدىنداعى الەۋمەتتىك جاۋاپكەرشىلىكتەرىن ورىنداپ، ەسكى قالدىقتاردى ساقتاۋ ورىندارىن رەكۋلتيۆاتسيالاۋعا جانە ءبىرىنشى كەزەكتە وسى اۋىلدىڭ تۇرعىندارىن جۇمىسقا قابىلداۋعا ءازىر ەكەندىكتەرىن مالىمدەپ وتىر.
