ۇلتتىق بانك ينۆەستيتسيالىق مونەتالاردى اينالىمعا شىعاردى

2020-جىلعى 17- تامىزدا قازاقستان ۇلتتىق بانكى التىننان 10، 20، 50، 100، 200 جانە 500 تەڭگە نومينالدارىندا، كۇمىستەن 1، 2، 5 جانە 10 تەڭگە نومينالدارىندا 2020-جىلى سوعىلعان «ALTYN BARYS» جانە BARYS» جانە «كۇمىس بارىس» ينۆەستيتسيالىق مونەتالارىن اينالىمعا شىعارادى. ينۆەستيتسيالىق مونەتالار - 999,9 جوعارى سىنامالى ساپاسى جوعارى التىن جانە كۇمىس مونەتالار.

بۇگىنگى تاڭدا ينۆەستيتسيالىق مونەتالاردىڭ بىرنەشە ءىرى برەندتەرى بار - «كريۋگەرراند» (وڭتۇستىك افريكا)، «امەريكالىق بۇركىت» (ا ق ش)، «ۆەنا فيلارمونياسى» (اۆستريا)، «پاندا» (قىتاي)، «ۇيەڭكى جاپىراعى» (كانادا).

قازاقستاننىڭ العاشقى ينۆەستيتسيالىق «جىبەك جولى» مونەتالارى 1996-جىلى اينالىسقا شىعارىلدى.

2009-جىلدان باستاپ ديزاينىنىڭ وزگەرۋىنە بايلانىستى ءتۇرلى سالماق سيپاتتامالارى بار «ALTYN BARYS» جانە BARYS» جانە «كۇمىس بارىس» ينۆەستيتسيالىق مونەتالارى شىعارىلا باستادى.

ينۆەستيتسيالىق مونەتالاردىڭ ەرەكشەلىكتەرى:

- شەكتەلمەگەن تارالىمدار؛

- «proof» تەحنولوگياسىن قولدانباي دايىنداۋ؛

- مونەتا جاسالعان مەتالدىڭ قۇنى مەن سالماعىنا بايلانىستى كىرىس الۋ؛

- ۇلتتىق بانك ساتۋ جانە ساتىپ الۋ ەرەجەلەرىنە سايكەس ساتىپ الۋ مونەتاداعى مەتالدىڭ سالماعى بويىنشا ەسەپتەلەتىندىكتەن جاعدايىنا (سىزاتتار، پاتينا جانە ت. ب.) قاراماستان كەرى ساتىپ الۋعا قابىلدايدى؛

- قوسىلعان قۇنىنا سالىق سالىنبايدى. التىن مەن كۇمىستەن جاسالعان بارلىق نومينالدارداعى ينۆەستيتسيالىق مونەتالار قازاقستان رەسپۋبليكاسىنىڭ بۇكىل اۋماعىندا بەلگىلەنگەن قۇنى بويىنشا تولەمدەردىڭ بارلىق تۇرلەرى بويىنشا، سونداي-اق بانك شوتتارىنا ەسەپكە جازۋ ءۇشىن جانە اۋدارۋ ءۇشىن قابىلدانۋعا مىندەتتى.

سونداي-اق، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى