گەننادي گولوۆكيننىڭ پروموۋتەرى سوڭعى جاڭالىقتارمەن ءبولىستى
ت. لەففلەر گ. گولوۆكيننىڭ الداعى جەكپە-جەگىنە قاتىستى ايتا كەلە، ازىرگە ناقتى بەلگىلەنگەن داتا جوق ەكەندىگىن اتاپ ءوتتى.
«گەننادي جاعدايىندا ماسەلەلەر تۇراقتى تۇردە وزگەرىپ وتىرادى. ول ءوزىنىڭ جاتتىعۋ لاگەرىن دجوناتون بەنكسپەن باستاپ، الدىن-الا جاتتىعۋلار وتكىزىپ جاتىر. ولار سپاررينگتەر كەزەڭىن جانە وزگەلەرىن ناقتى ءبىر داتا بەلگىلى بولعانعا دەيىن باستامايدى. ناقتى بەلگىلى بولعان ماسەلە جونىندە الدىن-الا حابارلايتىن بولامىز. دجوناتاننان ەستۋىمشە، گەننادي ناعىز بابىندا. ول - ءاردايىم ءتارتىپتى ساقتايتىن جىگىتتەردىڭ ءبىرى. بۇل جاعىنان اعايىندى كليچكولارعا ۇقساس. ول ارتىق سالماق جيناۋعا وزىنە ەشقاشان ەرىك بەرمەيدى، ۇنەمى ءبىر قالىپتا. بالالارى ونى بەلسەندى بولۋعا ءماجبۇر ەتەدى. گەنناديدىڭ ۇلى حوككەيمەن اينالىسادى، سوندىقتان ول ءاردايىم بالاسىنىڭ قاسىندا جانە فيزيكالىق تۇرعىدا بەلسەندى. قازىر سىزبەن بۇرىن-سوڭدى ءوزىم كورگەن ەڭ كوپ جاتتىعاتىن سپورتشىلاردىڭ ءبىرى تۋرالى ايتىپ وتىرمىز. ءبىز ونىڭ رينگكە ورالۋىن تاعاتسىزدانا كۇتۋدەمىز، ءبىراق ازىرگە جاريالايتىن ەشتەڭە جوق. جاقىن ۋاقىتتا جاڭالىق بولاتىنىنا ۇمىتتەنەمىن»، — دەدى لەففلەر جۋرناليست كۋرران بحاتيگە بەرگەن سۇحباتىندا.
