كارانتين الىنادى، ەلوردالىقتار قانداي تالاپتى ساقتاۋ ءتيىس؟

اتالعان تالاپتار ەلوردانىڭ باس مەملەكەتتىك سانيتارلىق دارىگەرى ايگۇل شاعالتايەۆانىڭ قاۋلىسىندا كورسەتىلگەن، دەپ حابارلايدى قازاقپارات ءتىلشىسى.

قاۋلىعا سايكەس، ەلوردادا ويىن-ساۋىق، سپورتتىق جانە باسقا دا بۇقارالىق ءىس-شارالاردى، سونداي-اق وتباسىلىق، ەسكە الۋ شارالارىن، جينالىستاردى، جيىنداردى جانە تاعى باسقالارىن وتكىزۋگە تىيىم سالىنادى.

سپورت جاتتىعۋلارى تەك اشىق اۋادا جەكە تارتىپپەن جانە كەمىندە 2 مەتر الەۋمەتتىك قاشىقتىقتى مىندەتتى تۇردە ساقتاي وتىرىپ، 5 ادامنان اسپايتىن توپتاردا عانا وتكىزۋگە بولادى. ءبىر وتباسى مۇشەلەرىنەن نەمەسە 3 ادامنان اسپايتىن توپتاردى قوسپاعاندا، تابيعاتقا ەكسكۋرسيالىق، كورپوراتيۆتىك، توپتىق ساپارلاردى ۇيىمداستىرۋعا جانە ءوڭىردىڭ كورىكتى جەرلەرىنە شولۋ جاساۋعا، سونداي-اق جاعاجايلاردا شومىلۋعا تىيىم ساقتالادى.

65 جاستان اسقان ادامداردىڭ قالا جانە قوعامدىق ورىندار بويىنشا ءجۇرىپ-تۇرۋىنا شەكتەۋ قالا بەرەدى. اۋلالاردا سەرۋەندەۋگە جانە ساياباقتارعا، الاڭدارعا، سكۆەرلەرگە، جاعالاۋلارعا 3 ادامنان اسپايتىن توپتارمەن نەمەسە ءبىر وتباسى مۇشەلەرىنە مىندەتتى تۇردە بەتپەردە كيىپ جانە كەمىندە 2 مەتر الەۋمەتتىك قاشىقتىقتى ساقتاي وتىرىپ بارۋعا رۇقسات بەرىلەدى.

قوعامدىق ورىندارعا، ونىڭ ىشىندە قالالىق قوعامدىق كولىكتەرگە جانە قىزمەتى رۇقسات ەتىلگەن وبەكتىلەرگە بارعان كەزدە، كوشەدە ءجۇرىپ-تۇرۋ كەزىندە (5 جاسقا دەيىنگى بالالاردى قوسپاعاندا جانە اشىق اۋادا سپورتپەن شۇعىلدانۋ كەزىندە) ماسكا كيۋ، قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتاردى قاتاڭ ساقتاۋ قالا بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى