التاي كولگىنوۆ ەلوردانى گازداندىرۋ قالاي ءجۇرىپ جاتقانى تۋرالى ايتتى

«ءبىرقاتار ەلدى مەكەندەگى ورامىشىلىك گازبەن جابدىقتاۋ جەلىلەرى قۇرىلىسىنىڭ بارىسىن تەكسەرىپ، تۇرعىندارمەن كەزدەستىم. جەلەزنودوروجنىي ەلدى-مەكەنىندە گازبەن جابدىقتاۋ تاراتۋ جەلىلەرىنىڭ 100، پرومىشلەننىي- 80، كوكتال 1 - 70 پايىز، كوكتال 2 دە ەكى كوشەدە وتكىزۋ قالدى. بۇل جۇمىستار اگروگورودوك، يۋگو-ۆوستوك ەلدى-مەكەندەرىندە دە جۇرگىزىلىپ جاتىر»، - دەپ جازدى قالا باسشىسى.

ونىڭ اتاپ وتۋىنشە، گاز جەلىلەرىن ۇيلەرگە جەتكىزۋ جۇمىستارى جالعاسىپ جاتىر. كوكتال-1/2، جەلەزنودوروجنىي، پرومىشلەننىي، اگروگورودوك تۇرعىندارى ءۇشىن (تىلەنديەۆ داڭعىلى - كوكتال - ت/ج جولى - بوكەيەۆ كوشەسى شەكاراسىندا) ۇيلەردى گازبەن جابدىقتاۋ جەلىلەرىنە قوسۋ ءۇشىن تەحنيكالىق شارتتاردى بەرۋدىڭ تەگىن ءراسىمى باستالدى.

ول ءۇشىن بولاشاق 4/2 جانە ج. جابايەۆ 12/2 كوشەسىندە فرونت-كەڭسەلەر اشىلدى.

«اتالعان ەلدى مەكەندەر، ونىڭ ىشىندە اگروگورودوك پەن يۋگو-ۆوستوكتىڭ تۇرعىندارىنىڭ قوسىپ الۋىنا مۇمكىندىك بار. تۇرعىندار ءۇشىن تەگىن ەسەپتەگىشتەر قاراستىرىلعان. ەلوردانى گازداندىرۋدىڭ ءوزى ءۇش كەزەڭنەن تۇرادى. ج ە و-1/2 كۇزدە گازعا اۋىستىرىلادى. كەزدەسۋ بارىسىندا كوكتال-2 جانە اگروگورودوك تۇرعىندارى جارىقتاندىرۋ، ايالداما ورناتۋ، قوسىمشا اۆتوبۋس باعىتىن ىسكە قوسۋ، جول قۇرىلىسى جانە باسقا دا ماسەلەلەردى كوتەردى»، - دەدى التاي كولگىنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى