ەلورداداعى ساۋدا ورتالىقتار مەن بازارلار جۇمىسىن قايتا باستاۋعا دايىندالۋدا
شوب سۋبەكتىلەرى %90 جۇمىسىن قايتا باستاۋعا دايىن، ەسكەرتۋلەر بويىنشا جۇمىس جۇرگىزىلۋدە. ساناۋلى كۇندەردەن سوڭ كارانتين شارالارى بىرتىندەپ الىنا باستايدى.
كاسىپكەرلەر كليەنتتەر مەن ساتىپ الۋشىلاردى قابىلداۋعا دايىندالىپ جاتىر. سوعان بايلانىستى اكىمدىك پەن س ە س وكىلدەرىنەن قۇرالعان مونيتورينگتىك توپ «اسەم» ساۋدا بازارىنا تەكسەرىس جاسادى.
«بۇل بازاردا كىرە بەرىستە تەرمومەتريا، بەلگىلەر مەن انتيسەپتيكتەر بار. ءبارىن قاداعالاپ وتىرامىز. كۇن سايىن مونيتورينگ جۇرگىزىلەدى. قۇقىق بۇزۋشىلىقتار انىقتالعان جاعدايدا، اكىمشىلىك قۇقىق بۇزۋشىلىق تۋرالى كودەكسكە سايكەس، 1 - ءبولىمنىڭ 425-بابى بويىنشا سانيتارلىق- ەپيدەميولوگيالىق رەجيمدى بۇزعانى ءۇشىن سانكتسيالار قولداناتىن بولامىز. مۇندا اكىمشىلىك ايىپپۇل قاراستىرىلعان»، - دەدى بايقوڭىر اۋداندىق تاۋارلار مەن كورسەتىلەتىن قىزمەتتەردىڭ قاۋىپسىزدىگىن باقىلاۋ باسقارماسىنىڭ باسشىسى شوقان اباي ۇلى.
قازىرگى ۋاقىتتا ەلوردالىق ساۋدا ورتالىقتارى مەن بازارلار %90 ءوز جۇمىسىن قايتا باستاۋعا دايىن.
كاسىپكەرلىك سۋبەكتىلەرگە سانيتارلىق-ەپيدەميولوگيالىق قاۋىپسىزدىك شارالارىن كۇشەيتۋ بويىنشا ۇسىنىستار بەرىلدى.
«بۇگىنگى تاڭدا بارلىق نىساندار كارانتيننەن كەيىنگى كەزەڭگە %90 دايىن. ءبىرقاتار زاڭ بۇزۋشىلىقتار انىقتالدى، ءبىراق ايتارلىقتاي ماڭىزدى ەمەس. سونىمەن، كەيبىر نىسانداردا تاڭبالاردىڭ سانىن جاڭارتىپ، كوبەيتۋ قاجەت. ءبىر جەردە سانيتايزەرلەر سانىن كوبەيتۋ، ازاماتتاردىڭ كىرۋى مەن شىعۋى كەزىندە تەمپەراتۋرالىق رەجيمدى ەسەپتەۋ قۇرالدارىن وزگەرتۋ قاجەت. ءبىر نىساندارعا كەلۋدى ەسەپكە الۋ داتچيكتەرىن ورناتۋ تۋرالى ۇسىنىستار بەرىلدى. ويتكەنى جاڭا قاۋلى بويىنشا وبەكتىگە كەلۋشىلەر سانى %30 - دان اسپاۋى ءتيىس. بۇل مونيتورينگتى وسى داتچيكتەردىڭ بولۋىن ەسكەرە وتىرىپ قانا جۇرگىزۋگە بولادى»، - دەدى نۇر-سۇلتان قالاسىنىڭ ساۋدا جانە قىزمەت كورسەتۋ ءبولىمىنىڭ باسشىسى رۋسلان ىدىرىسوۆ.
مونيتورينگتىك توپتىڭ بارلىق ەسكەرتۋلەرىن كاسىپكەرلەر 17- تامىزعا دەيىن ەسكەرىپ، تۇزەتۋى ءتيىس.
ەستەرىڭىزگە سالا كەتەيىك، مەملەكەتتىك كوميسسيا كارانتين شارالارىن كەزەڭ-كەزەڭىمەن الىپ تاستاۋ جوسپارىن بەكىتتى، ول بارلىق وڭىرلەردە ساۋدا ويىن-ساۋىق ورتالىقتارى، بۋتيكتەر مەن جابىق بازارلار جۇمىسىن 17- تامىزدان باستاپ قايتا جانداندىرۋ جوسپارلانعان.
