سىبايلاس جەمقورلىق اگەنتتىگىنىڭ جۇمىس ىستەۋ تاسىلدەرى وزگەرەدى
قازىرگى ۋاقىتتا اگەنتتىكتە ءتوراعانىڭ سيفرلاندىرۋ ماسەلەلەرى بويىنشا كومەكشىسى - CDO (Chief Data Officer) جاڭا لاۋازىمى ەنگىزىلدى. وعان اسلان قۇسايىنوۆ تاعايىندالدى.
«مەنىڭ مىندەتتەرىنىڭ نەگىزگى اياسىنا سيفرلىق يننوۆاتسيالاردى ەنگىزۋ ارقىلى ۆەدومستۆو جۇمىسىنىڭ تيىمدىلىگىن ارتتىرۋ، اگەنتتىكتىڭ تەحنولوگيالىق ستراتەگياسىن، كورپوراتيۆتىك كوممۋنيكاتسيالارىنىڭ قازىرگى زامانعى ورتاسىن ازىرلەۋ، ونىڭ ىشىندە جەدەل- تەرگەۋ قىزمەتىندە بولجامدى تالداۋح قۇرالدارىن ەنگىزۋ كىرەدى» ، - دەيدى اگەنتتىك ءتوراعاسىنىڭ سيفرلاندىرۋ ماسەلەلەرى بويىنشا كومەكشىسى اسلان قۇسايىنوۆ.
ءوز قىزمەتىنىڭ تيىمدىلىگىن ارتتىرۋ جانە ازاماتتارمەن كوممۋنيكاتسيالاردى كەڭەيتۋ ماقساتىندا سىبايلاس جەمقورلىققا قارسى قىزمەت «سيفرلىق سىبايلاس جەمقورلىققا قارسى قىزمەت» جوباسىن ازىرلەدى.
«جوبا شەڭبەرىندە دەرەكتەردىڭ ۇلكەن كولەمىن تالداۋعا، كوممۋنيكاتسيالىق راسىمدەردى جەڭىلدەتۋگە جانە، ەڭ باستىسى، سىبايلاس جەمقورلىقتى جويۋ ماسەلەسىندە جۇيەلى جانە جەدەل شەشىمدەر قابىلداۋ ءۇشىن بولجامدى تالداۋدى ەنگىزۋگە مۇمكىندىك بەرەتىن جۇيەنى ەنگىزۋ باستالدى»، - دەيدى ول.
جوبا «I - كريمكارتا» اۆتوماتتاندىرىلعان بولجاۋ- تالداۋ جۇيەسىن ەنگىزۋدى، ءتيىمدى HR- تەحنولوگيالاردى، ازاماتتاردىڭ وتىنىشتەرىن قاراۋدىڭ اۆتوماتتاندىرىلعان جۇيەسىن پايدالانۋدى جانە باسقالاردى قامتيدى.
«جوبانىڭ ءار ءمودۋلى ءوز مىندەتتەرى مەن كۇردەلى پروتسەستەرى بار دەربەس جۇيە ەكەنىن اتاپ وتكەن ءجون. مىسالى، I- كريمكارتانىڭ بولجامدىق- تالدامالىق اقپاراتتىق جۇيەسى ءمودۋلى ۆەدومستۆولىق ستاتيستيكا، الەۋمەتتىك زەرتتەۋلەر، جاسالعان سىبايلاس جەمقورلىق فاكتىلەرى بويىنشا دەرەكتەردىڭ كەڭ اۋقىمىن قامتيتىن، بەلگىلى ءبىر وڭىردە سىبايلاس جەمقورلىق كورىنىسىن كورنەكى كورسەتەتىن سيفرلىق كارتا جاساۋعا باعىتتالعان» ، - دەيدى اسلان قۇسايىنوۆ.
ونىڭ ايتۋىنشا، ينتەراكتيۆتى دەرەكتەر بازاسى ءاربىر ەلدى مەكەن بويىنشا «ءبىر رەت باسۋ» ارقىلى كريمينوگەندىك جاعدايدى باعالاۋعا مۇمكىندىك بەرەدى.
«وسى جوبانى ىسكە اسىرۋ شەڭبەرىندە ۆەدومستۆولىق ستاتيستيكا مەن ەسەپتەردى قالىپتاستىرۋدىڭ بۇكىل پروتسەسىن اۆتوماتتاندىرۋ جوسپارلانۋدا. بۇل ادام فاكتورىن ازايتۋعا، ەسەپتەردى دايىنداۋ ۋاقىتىن 10 تاۋلىكتەن 5 مينۋتقا دەيىن قىسقارتۋعا جانە كريمينوگەندىك جاعدايدى ونلاين رەجيمدە باقىلاۋعا مۇمكىندىك بەرەدى»، - دەيدى ول.
