اقتاۋدا اۋەسقوي سۇڭگۋىرلەر تەڭىز ءتۇبىن قوقىستان تازارتتى

العاش رەت ۇيىمداستىرىلعان بۇل ءىس- شارا 12-تامىز كاسپي كۇنىنە ارنالىپ وتىر. بۇگىن دايۆەرلەر قولىنا سۋاستى اڭشى قۇرالىنىڭ ورنىنا پوليەتيلەن قاپشىق ۇستاپ، سۋعا سۇڭگىدى. وسىلايشا تاڭسارىدەن تۇسكە دەيىن بىرنەشە توننا تۇرمىستىق قالدىقتى جاعاعا شىعاردى. جاعالاۋ ءتۇبىن قوقىستان تازارتۋ 4- جانە 15- شاعىن اۋداندار ارالىعىن قامتىدى. ۇزىندىعى بەس شاقىرىمداي جاعاجاي استىنان الىنعان قالدىقتار ەندى ارنايى پوليگوندا ورتەلەدى.

ايتا كەتەيىك، 12 تامىز كاسپييدىڭ بيولوگيالىق الۋانتۇرلىلىگىن قورعاۋ كۇنى بولىپ بەلگىلەنگەن.

شاميل تەمىرحان ۇلى، «ماڭعىستاۋ سۋاستى اڭشىلىعى فەدەراتسياسىنىڭ» وكىلى:

- بيىل رەت ءبىرىنشى رەت ءوتىپ تۇرعان بۇل ءىس- شاراعا جيىرماعا جۋىق اۋەسقوي سۇڭگۋىر قاتىستى. كۇتكەنىمىزدەي، تەڭىز تۇبىنەن جينالىپ الىنعان قوقىس از بولمادى. دەنى كولىك دوڭگەلەكتەرى، پلاستيك بۇيىمدار. ولاردىڭ تەڭىزدى مەكەندەۋشىلەرگە اسا قاتەرلى ەكەنىن تۇسىنىكتى. تۇرمىستىق قالدىقتار جاعالاۋدان لاقتىرىلۋى جانە كەمەلەردەن دە تاستالۋى مۇمكىن. جينالىپ الىنعان كۇل- قوقىستى پوليگونعا اپارىپ ورتەيمىز. بۇل ءىس- شارانى ەندى جىل سايىن وتكىزۋدى جوسپارلاپ وتىرمىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى