د د س ۇ قازاقستاننىڭ شەشىمىن جوعارى باعالايدى - كەرولاين كلارينۆال
«قازاقستاندا كەشەندى شارالاردى جۇزەگە اسىرۋ قادامدارى كوروناۆيرۋسقا قاتىستى جاعدايدىڭ بىرتىندەپ تۇراقتانۋىنا ىقپال ەتتى. بۇل ءوز كەزەگىندە ازاماتتىق قوعامنىڭ، دەنساۋلىق ساقتاۋ قىزمەتكەرلەرىنىڭ جانە ۇكىمەتتىڭ بىرلەسكەن كۇش-جىگەرىن تالاپ ەتتى. الەكسەي سوي (ق ر دەنساۋلىق ساقتاۋ ءمينيسترى) اتاپ وتكەندەي، ءبىز قىراعىلىقتى ساقتاۋىمىز كەرەك. بۇگىندە COVID-19-عا د د س ۇ- نىڭ جاڭا كلاسسيفيكاتسياسىن پايدالانۋ جونىندە قازاقستاننىڭ شەشىمىن جوعارى باعالايمىز. بۇل ءوز كەزەگىندە الەم بويىنشا مالىمەتتەردى جيناۋدى ستاندارتتاۋ ءۇشىن وتە ماڭىزدى قادام»، - دەدى كەرولاين كلارينۆال.
ونىڭ سوزىنە قاراعاندا، قايتا سارالاۋ پروتسەسى COVID-19 جاعدايىنىڭ ارتۋىن كورسەتۋى مۇمكىن. الايدا، قايتا سارالاۋ ەپيدەميولوگيالىق پروتسەستى جاقسى تۇسىنۋگە مۇمكىندىك بەرەدى. سايكەسىنشە، رەسۋرستاردى ءتيىمدى بولۋگە، سونداي- اق ۇلتتىق ءارى جەرگىلىكتى دەڭگەيدە قاجەتتى شارالاردى جوسپارلاۋعا ىقپال ەتەدى.
«د د س ۇ قازاقستاننىڭ اقپارات الماسۋدا تانىتقان اشىقتىعىن قولدايدى. ۆيرۋس ءالى دە حالىق اراسىندا تارالۋدا. تەك ورتاق كۇش- جىگەرمەن وسى پاندەميانى ەڭسەرە الامىز. ءار ادامنىڭ قوسقان ۇلەسى وتە ماڭىزدى. دۇنيەجۇزىلىك دەنساۋلىق ساقتاۋ ۇيىمى ۇكىمەتپەن جانە دەنساۋلىق ساقتاۋ مينيسترلىگىمەن جۇمىستى جالعاستىرادى»، - دەدى دوكتور كەرولاين كلارينۆال.
اۆتور: رۋسلان عابباسوۆ
