الەكسەي سوي: قاۋىپسىزدىك ادەتتەرى دە «جۇقپالى» بولۋى ءتيىس

«بۇگىندە بۇكىل قازاقستاندىق قوعام كوروناۆيرۋستىڭ ەمەس، قاۋىپسىزدىك پەن سالاۋاتتى ادەتتەردىڭ «جۇقپالى» بولۋى ءۇشىن بارلىق شارالاردى قابىلداۋى قاجەت. ول ءۇشىن ەڭ الدىمەن ماسكالىق رەجيم مەن گيگيەنانى ءارى قاراي ساقتاۋدى قامتاماسىز ەتۋ قاجەت. ۇيدەن تىس جەردە ماسكانى مىندەتتى تۇردە تاعۋ - ينفەكتسيانىڭ تارالۋىن %30 عا قىسقارتادى. سونىمەن بىرگە، ينفەكتسيانىڭ تارالۋىندا قول گيگيەناسى ەرەكشە ءرول اتقارادى»، - دەپ اتاپ ءوتتى مينيستر بۇگىنگى ۇكىمەت وتىرىسىندا.

وسىعان بايلانىستى، ەڭ الدىمەن مۇددەلى مەملەكەتتىك ورگاندار مەن جەرگىلىكتى اتقارۋ ورگاندارىن تارتىپ، قاۋىپسىزدىك بەلدىكتەرىن مىندەتتى قولدانۋ مىسالىندا ماسكا رەجيمىن ساقتاۋ ءۇشىن دە بيزنەستى باقىلاۋ مەن جاۋاپكەرشىلىكتى كۇشەيتۋ قاجەت. ەكىنشىدەن، بارلىق قوعامدىق ورىنداردا قولدى وڭدەۋ ءۇشىن سانيتەرلەردى ورناتۋدى قامتاماسىز ەتۋ كەرەك. ۇشىنشىدەن، بارلىق اقپاراتتىق ارنالار بويىنشا حالىقپەن اقپاراتتىق-ءتۇسىندىرۋ جۇمىستارىن جۇرگىزۋ كەرەك.

«سونداي-اق، الەۋمەتتىك قاشىقتىق قاعيداتى ساقتالۋى ءتيىس: كەڭسەلەردىڭ قاشىقتان جۇمىس ىستەۋى (20/80 قاتىناسىندا) جانە وقۋشىلار مەن ستۋدەنتتەردى قاشىقتىقتان وقىتۋ؛ ماسكالىق رەجيمدى مەن الەۋمەتتىك قاشىقتىقتى ساقتاۋ مۇمكىن بولماعاندىقتان، بۇقارالىق ءىس-شارالاردىڭ بارلىق تۇرىنە تىيىم سالۋ؛ بيزنەستىڭ جاۋاپكەرشىلىگىن ارتتىرۋ - باقىلاۋدى كۇشەيتىپ، نىسانداردى بولىكتەرگە ءبولۋ جانە ادامداردىڭ تولىپ كەتپەۋىن قاداعالاۋ كەرەك. بۇل شارالار بارلىق اقپاراتتىق ارنالار بويىنشا ناسيحاتتالۋى قاجەت»، - دەدى الەكسەي سوي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى