شىڭجاندا كوروناۆيرۋس جۇقتىرعاندار سانى ارتىپ جاتىر
«وتكەن تاۋلىكتە ولكەدە شىڭجان وندىرىستىك- قۇرىلىس كورپۋسىن قوسقاندا (ش و ق ك) 20 كوروناۆيرۋس جۇقتىرۋ وقيعاسى تىركەلدى. جالپى 2020 -جىلدىڭ 24 - شىلدەسى 24.00-دەگى مالىمەت بويىنشا، شىڭجاندا 115 ينفەكتسياعا شالدىعۋ وقيعاسى (ونىڭ 113 ءى - ۇرىمجىدە، بىرەۋى - قاشقاردا جانە تاعى ءبىرى – ش و ق ك- دە) ، سونىمەن قاتار 114 سيمپتومسىز ۆيرۋس تاسىلمالداۋشىلار انىقتالعان (بارلىعى ۇرىمجىدە) . 7 مىڭنان اسا ادام مەديتسينا قىزمەتكەرلەرىنىڭ باقىلاۋىندا» دەلىنگەن كوميتەتتىڭ اقپارات بيۋللەتەنىندە.
بۇعان دەيىن ءۇرىمجى قالاسىنىڭ ەكى اۋدانى ەپيدەميالوگيالىق قاۋىپ دارەجەسى جوعارى ەلدىمەكەندەر دەپ جاريالانعان. ەسكە سالا كەتسەك، شىڭجاندا COVID-19 ۆيرۋسى تاراي باستاعان ساتتەن كەيىن 149 كۇن بويى كوروناۆيرۋس جۇقتىرۋ وقيعاسى تىركەلمەدى. شىڭجان- ۇيعىر اۆتونومدى اۋدانىنداعى ەڭ العاشقى ينفەكتسياعا شالدىعۋ وقيعاسى 23- قاڭتار كۇنى انىقتالعان.
