كاسپي يتبالىعى قازاقستاننىڭ قىزىل كىتابىنا ەنگىزىلمەك
بۇل تۋرالى قازاقپارات ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى مەن جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەتكە سىلتەمە جاساپ حابارلايدى.
2020 -جىلعى 24 - شىلدەدە قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىندە ۆيدەوكونفەرەنتسيالىق بايلانىس ارقىلى «گيدروبيولوگيا جانە ەكولوگيا ينستيتۋتى» مەن «ورتالىق ازيالىق ەكولوگيالىق زەرتتەۋلەر ينستيتۋتى» ج ش س وكىلدەرىنىڭ قاتىسۋىمەن بالىق شارۋاشىلىعى ماسەلەلەرى جونىندەگى ۆەدومستۆوارالىق زوولوگيالىق كوميسسيانىڭ وتىرىسى ءوتتى.
«كوميسسيا وتىرىسىندا كاسپيي يتبالىعىن (Pusa Caspica) وسىمدىكتەر مەن جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىنىڭ تىزبەسىنە ەنگىزۋ ۇسىنىسى قولداۋ تاپتى. يتبالىقتاردى قورعاۋعا ىقپال ەتۋ ءۇشىن جانە بولاشاقتا ەرەكشە قورعالاتىن تابيعي اۋماق قۇرۋعا ماڭىزدى باستامالاردىڭ ءبىرى بولماق. قازىرگى ۋاقىتتا كاسپي يتبالىعى باسقا كاسپي ماڭى مەملەكەتتەرىنىڭ قىزىل كىتابىنا ەنگىزىلگەن»، - دەدى ساكەن دىلداحمەت.
