سەناتورلىققا ۇمىتكەرلەردىڭ ماماندىقتارى بەلگىلى بولدى

«ماماندىقتار بويىنشا توتالساق، 19 ينجەنەر، 13 ەكونوميست، 8 پەداگوگ، 7 اگرارلىق سالا قىزمەتكەرى، 5 دارىگەر، 3 زاڭگەر، 1 ساياساتتانۋشى، سونداي- اق ەكەۋى باسقا ماماندىق يەگەرى. كانديداتتار اراسىنداقازىرگى كەزدە قىزمەت اتقارىپ وتىرعان 4 سەناتور بار. بۇدان باسقا، كانديداتتار ىشىندە 21 كوممەرتسيالىق قۇرىلىم قىزمەتكەرى، 16 مەملەكەتتىك ۇيىمنىڭ، كاسىپورىندار مەن مەكەمەلەردىڭ قىزمەتكەرلەرى، 12 مەملەكەتتىك قىزمەتشى، 5 قوعامدىق ۇيىمنىڭ وكىلى بار» ، - دەدى ب. يماشيەۆ ق ر ورتالىق سايلاۋ كوميستسياسىنىڭ وتىرىسىندا.

سونىمەن قاتار ول 23 - شىلدەدە ساعات 18:00 دەن باستاپ سەنات دەپۋتاتتىعىنا تىركەلگەن بارلىق كانديداتتار سايلاۋ الدىنداعى ۇگىت- ناسيحاتقا كىرىسۋگە قۇقىلى ەكەنىن ەسكە سالدى. ۇگىت- ناسيحات بيىلعى 11 - تامىزدا ساعات 00:00 گە دەيىن جالعاسادى. بۇدان بۇرىن حابارلانعانداي، بۇگىن ق ر ورتالىق سايلاۋ كوميستسياسىنىڭ وتىرىسىندا پارلامەنت سەناتى دەپۋتاتتىعىنا كانديداتتاردى تىركەۋ كەزەڭىنىڭ قورىتىندىلارى قارالدى. 2020 - جىلعى 24 -شىلدەدەگى جاعداي بويىنشا ەلىمىزدە سەنات دەپۋتاتتىعىنا سايلاۋ كوميستسيالارى 58 كانديداتتى تىركەدى. ورتاشا العاندا ءبىر ورىنعا ءۇش ۇمىتكەر بار. ايتا كەتەيىك، 2014 - جىلى سايلانعان سەنات دەپۋتاتتارىنىڭ وكىلەتتىك مەرزىمى وسى جىلدىڭ قازان ايىندا اياقتالادى. وسىلايشا، 2020 - جىلدىڭ 12 - تامىزىندا ەلىمىزدىڭ جوعارى زاڭ شىعارۋشى ورگانى جوعارى پالاتاسىنا 17 وڭىردەن ءبىر- ءبىر دەپۋتاتتان سايلانۋى قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى