ەرالى توعجانوۆ: قاتەرلى ىندەتپەن كۇرەستە حالىقتىڭ دا جاۋاپكەرشىلىگى ۇلكەن
پرەمەر- ءمينيستردىڭ ورىنباسارى ەپيدەميولوگيالىق جاعدايدىڭ تۇراقتالۋىن قاداعالاۋ ءۇشىن ارنايى ىسساپارمەن قىزىلوردا وبلىسىنا كەلدى وبلىس اكىمدىگى عيماراتىندا وتكەن ماجىلىستە ەرالى توعجانوۆ «س ق- فارماتسيا» باسشىسىنا وڭىردەگى مەديتسينالىق مەكەمەلەردى ءدارى- دارمەكتىڭ ءبىر ايلىق قورىمەن قامتاماسىز ەتۋدى ەرەكشە تاپسىردى. سونداي- اق، ءبىر اپتا ىشىندە وكپەنى جاساندى جەلدەتۋ اپپاراتتارى وبلىستاعى ەمدەۋ مەكەمەلەرىنە قوسىمشا جەتكىزىلەتىن بولدى.
ودان بولەك، 26 شىلدە كۇنى وبلىس قوسىمشا 200 وتتەگى كونتسەنتراتورىمەن قامتاماسىز ەتىلەدى. ول وبلىس قاجەتتىلىگىن تولىقتاي قامتيدى. ەرالى توعجانوۆ كوروناۆيرۋس ىندەتىنىڭ ودان ءارى تارالماۋىنا جانە ەپيدەميولوگيالىق احۋالدىڭ جاقسارۋىنا دارىگەرلەرمەن بىرگە جەرگىلىكتى حالىقتىڭ دا جاۋاپتى ەكەنىن ايتتى. بۇل ماقساتتا سانيتارلىق نورمالاردى ساقتاۋ وتە ماڭىزدى.
«وبلىستىڭ كەي اۋداندارىندا توي مەن ءتۇرلى جيىن وتكىزۋ جاعدايى كەزدەسەدى. قاتەرلى ىندەتپەن كۇرەس باعىتىندا ءدارى- دارمەكپەن قامتاماسىز ەتۋگە ءمان بەرىلىپ، قاجەتتى مەديتسينالىق كومەك جاسالۋدا. مەملەكەت تاراپىنان جاسالعان بۇل جۇمىس وڭ ناتيجەسىن بەرىپ كەلەدى. الايدا، ىندەتتىڭ تارالماۋى - مەملەكەتتىڭ عانا قولىندا ەمەس، بۇل ىستە حالىقتىڭ دا جاۋاپكەرشىلىگى ۇلكەن»، - دەدى پرەمەر-ءمينيسترىنىڭ ورىنباسارى.
پرەمەر-مينيستر ورىنباسارى ءىسساپار اياسىندا وبلىستىق جەدەل مەديتسينالىق كومەك ستانساسى مەن وبلىستىق كوپسالالى ەمحاناداعى جاعدايمەن تانىستى. سونداي-اق، وبلىس ورتالىعىنداعى بىرنەشە ءدارىحانانىڭ ءدارى- دارمەكپەن قامتاماسىز ەتۋ جاعدايىنا نازار اۋداردى.
