توكيو وليمپياداسىنىڭ اشىلۋىنا دەيىن كەرى ساناق باستالدى
توكيوداعى وليمپيادا ويىندارى وسى اپتادا باستالۋى كەرەك ەدى. الايدا پاندەميا سالدارىنان ويىندار كەلەسى جىلعا شەگەرىلدى. ەندى وليمپيادا 2021-جىلدىڭ 23- شىلدەسىنەن 8- تامىزىنا دەيىنگى ارالىقتا وتەدى. ال ويىنداردىڭ اتاۋى «توكيو-2020» بولىپ قالا بەرەدى.
وتكەن اپتادا ۇيىمداستىرۋشىلار 11 مىڭ اتلەت قاتىساتىن ويىنداردىڭ كەستەسىن جاريالاعان.
«ءبىز ويىنداردى جاھاندىق داعدارىسقا سايكەس يكەمدەۋگە كەلىستىك... وسىلايشا ءبىز وليمپيادا ويىندارىنىڭ مەرزىمىن اۋىستىرۋدى ادامزاتتىڭ بىرلىك جانە ىنتىماقتاستىق مەرەكەسىنە اينالدىرا الامىز»، - دەدى حالىقارالىق وليمپيادا ويىندارىنىڭ پرەزيدەنتى توماس باح كەرى ساناقتى باستاۋ ساتىندە.
سالتانات سانيتارلىق-ەپيدەميولوگيالىق شارالارعا سايكەس توكيوداعى وليمپيادا ستاديونىنان ونلاين كورسەتىلدى.
