«پايدالى بوس ۋاقىت»: ەلىمىزدە جاڭا جوبا ىسكە قوسىلدى

بۇل تۋرالى قازاقپارات ءتىلشىسى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

«مادەنيەت جانە سپورت مينيسترلىگىنىڭ جاڭا قايىرىمدىلىق جوباسى كارانتين دەمالىسى كەزىندە بالالاردىڭ وي- ءورىسىن كەڭەيتىپ، ولاردىڭ رۋحاني ازىق الۋىنا جانە بوس ۋاقىتىن پايدالى وتكىزۋگە زور ۇلەسىن قوسادى. جوبا ماقساتى - COVID-19 پاندەمياسىنا قارسى كۇرەس جۇرگىزىپ جاتقان مەديتسينالىق قىزمەتكەرلەردىڭ وتباسىلارىنا قولداۋ كورسەتۋ. جوبا اياسىندا بالالارعا ونەر جانە سپورت باعىتتارى بويىنشا ونلاين ساباق پەن شەبەرلىك ساعاتى ۇسىنىلادى» دەلىنگەن ق ر مادەنيەت جانە سپورت مينيسترلىگىنىڭ باسپا ءسوز حابارلاماسىندا.

ونلاين ساباقتى بەلگىلى ونەر جانە سپورت قايراتكەرلەرى تەگىن وتكىزەدى.

«جاڭا باستامانىڭ باستى ەرەكشەلىگى - بالالار قىزىعۋشىلىعى بويىنشا ونلاين ساباقتى وزدەرى تاڭداي الادى. ونەر باعىتى بويىنشا: دومبىرا، فورتەپيانو، سكريپكا، گيتارا، ەسترادالىق ءان ايتۋ، سۋرەت سالۋ، اكتەرلىك شەبەرلىك، ال سپورت باعىتى بويىنشا: ەركىن كۇرەس، كلاسسيكالىق كۇرەس، دزيۋدو، گيمناستيكا، بوكس، تاەكۆوندو ساباقتارى وتەدى» دەپ ءمالىم ەتتى مينيسترلىك.

بالالار مەن اتا- انالاردىڭ ىڭعايلىلىعى ءۇشىن جوبا اياسىندا جاڭا پلاتفورما قۇرىلدى. بالالار قىسقا ساۋالنامانى تولتىرىپ، ۇيلەستىرۋشىلەردىڭ كومەگىمەن ساباق كەستەسىن الا الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى