الماتى تاۋلارىندا ايۋ تۋريستەردى قورقىتتى

«دوستار الما- اراسان شاتقالىنا سەرۋەنگە شىعىپ، تىكۇشاق الاڭىنا جەتىپ، لاگەر قۇرۋدى ۇيعارادى. تاۋلاردىڭ سالقىن اۋا رايىنان ءلاززات العان تۋريستەر كەشكە قاراي قايتۋعا شەشىم قابىلداعان، سەبەبى جول وڭاي بولعان. دوستار كەش باتقان سوڭ ۇيىنە جينالا باستاعان، سول كەزدە وزدەرىنەن بىرنەشە مەتر جەردەن جىرتقىش اڭنىڭ داۋسىن ەستيدى. ونى ايۋ دەپ ەسەپتەپ، تۋريستەر شاتىرعا تىعىلىپ قالعان»، - دەدى ق ر ءى ءى م ت ج ك ر ج ق ب باسپا ءسوز قىزمەتىندەگىلەر.

تۋريستەردىڭ ايتۋىنشا، اڭ لاگەردە ءجۇرىپ، ىرىلداعان داۋىس شىعارعان. الايدا جىرتقىش اڭ كەتىپ قالعان، تۋريستەر شاتىردان شىعۋعا قورقىپ، قۇتقارۋشىلاردى شاقىرعان. قۇتقارۋشىلار وقيعاعا ورنىنا جارتى ساعاتتان سوڭ جەتكەن. لاگەر ماڭىندا ايۋ بولماعان.

«قىزداردىڭ بىرەۋى قاتتى قورقىپ قالعان، ەكىنشىسى جۇرەك ايماعى اۋىرىپ تۇرعانىن ايتتى. سول جەردە قۇتقارۋشى- دارىگەر ەكەۋىنە العاشقى مەديتسينالىق كومەك كورسەتتى. وسىدان كەيىن جەدەل توپ زارداپ شەككەندەرمەن بىرگە تاۋدان ءتۇستى»، - دەدى قۇتقارۋشىلار.

جولعا جەتكەن سوڭ قۇتقارۋشىلار تۋريستەردى پوليتسيا قىزمەتكەرلەرىنە تاپسىرعان.

ايتا كەتەيىك، كارانتين كەزىندە تاۋعا باراتىن تۇرعىندار سانى ازايعان، سوندىقتان جىرتقىش اڭدار قالاعا جاقىن ماڭعا دەيىن تۇسكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى