جەڭىل اتلەتيكادان توكيو وليمپياداسىنىڭ جارىس كەستەسى جاريالاندى

كەستەگە سايكەس، وليمپيادا تاريحىندا العاش رەت ايەلدەر مەن ەرلەر مارافونى جەڭىمپازدارىن ماراپاتتاۋ ءساتى جابىلۋ سالتاناتىندا ۇيىمداستىرىلادى.

ايتا كەتسەك، توكيو وليمپياداسىندا جەڭىل اتلەتيكا دوداسى 2021-جىلدىڭ 30- شىلدەسىندە باستالادى. العاشقى جارىس كۇنىندە ەرلەر اراسىندا 3000 مەترگە جارىسۋشىلار باق سىنايدى. ال 8- تامىز كۇنى ەرلەر مارافونىمەن جەڭىل اتلەتتەر باسەكەسى اياقتالادى.

جەڭىل اتلەتيكادان مەدالدار جيىنتىعى كوپ تاراتىلاتىن كۇن سەنبىگە كەلىپ تۇر. ياعني، سەنبىدە ەرلەر اراسىندا ديسك لاقتىرۋدان ءۇش فينالدىق سىن، ايەلدەر اراسىنداعى 100 مەترگە جانە 400 مەترگە ەستافەتالىق جارىس جوسپارلانعان. سونداي-اق، 7- تامىز كۇنى جەڭىل اتلەتيكادان تاعى جەتى جۇلدە ءوز يەسىن تابادى.

31- شىلدە، جەكسەنبى كۇنى 25 مەدال جيىنتىعى ساراپقا سالىنادى. ونىڭ ىشىندە، ەرلەر اراسىنداعى 100 مەترلىك سىن دا بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى