ستاتيستيكانى ناقتى بىلمەي، دۇرىس شەشىم قابىلداۋ قيىن - ازاماتحان امىرتايەۆ
بۇل تۋرالى «بايتاق بولاشاق» ەكولوگيالىق اليانسىنىڭ پرەزيدەنتى ازاماتحان امىرتايەۆ پىكىر ءبىلدىردى، دەپ حابارلايدى قازاقپارات ءتىلشىسى.
«بۇل - دۇرىس شەشىم، سەبەبى پنيەۆمونيانىڭ ءورشۋى كوروناۆيرۋس ينفەكتسياسىمەن اۋىرۋعا اكەپ سوعادى. تەست بولماي تۇرعان كەزدە ادامدار دەم جەتپەي، جوتەلىپ، سۇيەكتەرى قاقسايتىنىن ايتاتىن. مۇنىڭ ءبارى پنيەۆمونيانىڭ اسقىنۋىنا اكەپ سوقتى. اۋرۋدىڭ اسقىنۋى COVID-19 ينفەكتسياسىنىڭ بار ەكەنىن بىلدىرەدى. ءبىز ق ر دەنساۋلىق ساقتاۋ ءمينيسترىن قولدايمىز»، - دەدى ازاماتحان امىرتايەۆ.
ونىڭ ايتۋىنشا، ستاتيستيكانى ناقتى بىلمەي، دۇرىس ساياسي شەشىم قابىلداۋ مۇمكىن ەمەس.
«مىسالى، 50 مىڭ ادام كوروناۆيرۋس جۇقتىردى دەسەك - ءدارى- دارمەك 50 مىڭ ادامعا عانا شاقتاپ جەتكىزىلەدى. ال شىن مانىندە اۋىرعاندار سانى ودان كوپ. سونىڭ سالدارىنان ءدارى- دارمەك جەتىسپەي، ادامدار ءدارىحانالاردا كەزەككە تۇرادى. ءبىز ستاتيستيكانى جاقسى ءبىلۋىمىز كەرەك، سول سەبەپتى كوروناۆيرۋس ينفەكتسياسى مەن پنيەۆمونيانى بىرىكتىرۋىمىز كەرەك. اقپاراتتى جاسىرماي، حالىققا ءتۇسىندىرىپ ايتۋ كەرەك. «اۋرۋىن جاسىرعان ولەدى» ءبارىن اشىق تۇردە ايتىپ، تۇسىندىرگەن جاعدايدا عانا بۇل ىندەتتى جەڭە الامىز»، - دەيدى ول.
