وتاندىق تىنىس الۋ اپپاراتتارى العاش بولىپ ماقتاارال اۋدانىنا جەتكىزىلدى
كوكشەتاۋ قالاسىندا وندىرىلگەن وتاندىق ءونىمدى 2 مىڭعا جۋىق شاقىرىم جەردەن ماقتاارال اۋدانىنا الىپ كەلۋگە «ازالا گرۋپپ» كومپانياسى اتسالىستى.
اۋدان ورتالىعىنداعى «مىرزاكەنت» ماقتا زاۋىتى مەن شىمكەنت قالاسىنداعى «ازالا تەكستيل» فابريكاسىنا يەلىك ەتەتىن كومپانيانىڭ باسقارۋشى ديرەكتورى بەرىك قىدىراليەۆ جاساندى تىنىس الۋ اپپاراتتارىن اۋداندىق «مىرزاكەنت» اۋرۋحاناسى مەن «اتاكەنت» اۋرۋحاناسىنا تابىستادى.
اتالعان شارا بارىسىندا اۋدان اكىمىنىڭ ورىنباسارى ساكەن سۇلتانحانوۆ اپپاراتتاردى جەتكىزۋگە اتسالىسقان بارشا ازاماتتارعا العىسىن ءبىلدىرىپ، اۋداندا وسىنداي جاساندى تىنىس الۋ اپپاراتتارىنىڭ سانىنىڭ وسۋىنە جانە ءدارى-دارمەكتەردىڭ جەتكىلىكتى بولۋىنا بايلانىستى پنيەۆمونيامەن اۋىراتىنداردىڭ سانى تۇراقتاپ جاتقانىن ايتتى.
