ا ق ش- تا كوروناۆيرۋسقا قاتىستى جاڭا انتيرەكورد ورنادى

بۇعان دەيىنگى كەزدەسۋلەر ونلاين فورماتتا ۇيىمداستىرىلىپ كەلدى. ەكى كۇنگە جالعاساتىن القالى جيىندا ەكونوميكالىق داعدارىسقا قارسى جوسپار تالقىلانادى. ەۋروپادا وسىلاي كوروناۆيرۋس سالدارىن جويۋعا باعىتتالعان سامميت ءوتىپ جاتقاندا ا ق ش- تا تاعى دا ىندەتكە قاتىستى انتيرەكورد ورنادى. جالپى بۇعان دەيىن ۆيرۋستى جۇقىرۋ دەرەكتەرى ميلليوننان اسقان ەكى ەل وسى ا ق ش پەن برازيليا ەدى. الايدا، سوڭعى تاۋلىكتە ولاردىڭ قاتارىنا تاعى ءبىر مەملەكەت قوسىلدى.

ا ق ش- تا تاعى دا جاڭا انتيرەكورد. سوڭعى تاۋلىكە مۇندا كوروناۆيرۋسى جۇقتىرۋدىڭ 75 مىڭنان اسا جاڭا دەرەگى راستالعان. بۇل پاندەميا باستالعالى ءبىر كۇندە تىركەلگەن ەڭ جوعارى كورسەتكىش.

ەندي ۋيلگەلم، رەانيماتولوگ:

- اۋرۋحاناعا كۇن سايىن تۇسەتىن ناۋقاستاردىڭ سانىندا شەك جوق. بىرەۋىن امان الىپ قالساق، وكىنىشكە وراي باسقاسىنىڭ ومىرىنە اراشا تۇسە الماي جاتىرمىز. بۇل وتە قيىن جاعداي. مۇنىڭ قاشان اياقتالاتىنى بەلگىسىز. ەڭ سوراقىسى وسى. جالپى، قۇراما شتاتتاردا ءساۋىر ايىنىنىڭ سوڭىندا راستالعان دەرەكتەر سانى ءبىر ميلليوننان اسىپ جىعىلعان ەدى. ال، ماۋسىمنىڭ باسىندا وقيعالار سانى 2 ميلليوندىق مەجەگە جەتتى. ءسويتىپ، بۇگىندە بۇل كورسەتكىش 3 ميلليون 700 مىڭعا جۋىقتادى. ال، برازيليادا ۆيرۋس جۇقتىرۋ دەرەگى 2 ميلليوننان اسىپ كەتتى. بۇل دەگەنىمىز، ەلدىڭ ءاربىر ءجۇزىنشى تۇرعىنى دەرتكە شالدىققان دەگەن ءسوز.

مامانداردىڭ بولجامى ءتىپتى جاعا ۇستاتادى. مۇندا اۋىرعاندار سانى 10 ميلليون شاماسىندا بولۋى مۇمكىن. «بۇعان بارىنە بيلىك كىنالى» ، دەيدى ساراپشىلار. ويتكەنى وسىعان دەيىن پرەزيدەنت ىندەتتىڭ قاۋپىن ەسكەرمەي كەلگەن. ءسويتىپ، شىلدەنىڭ باسىندا ءوزى ۆيرۋستى جۇقتىرعان. بۇعان دەيىن بيلىك «احۋال شىلدەدە تۇراقتالادى» دەگەن بولجام ايتقان ەدى. الايدا، قازىرگى ستاتيستيكا ناقتى جاعدايدى ايقىنداپ بەردى.

لۋيس ەنريكە ماندەتتا، برازيليانىڭ بۇرىنعى دەنساۋلىق ساقتاۋ ءمينيسترى:

- سوڭعى تاۋلىكتە 1300 ادام ۆيرۋستان كوز جۇمدى. مۇنداي ستاتيستيكاعا ادامداردىڭ ەتى ۇيرەنىپ قالعانداي. ءبىراق بۇل جانتۇرشىگەرلىك كورسەتكىش قوي. ويلاپ قاراڭىزشى، 1300 ادام كوز جۇمدى دەگەنىڭىز، 5 ۇشاق اپاتى قۇرباندارىنىڭ سانىمەن پارا- پار. جاعدايدىڭ بىلاي ۋشىعۋىنا بيلىك كىنالى. باسقاسىن قايدام، پرەزيدەنتتىڭ ءوزى كوروناۆيرۋستىڭ قاۋپىن جەتە باعالاماي، كارانتيننىڭ كەرەگى جوق ەكەنىن ايتىپ كەلدى. راستالعان دەرەكتەر سانى ءبىر ميلليوندىق مەجەدەن اسقان تاعى ءبىر ەل - بۇل ءۇندىستان. سالدارىنان ەلدىڭ ءىرى قالالارىنداعى اۋرۋحانالاردى ورىندار تاپشى. سوندىقتان بيلىك كەڭسە عيماراتتارىندا ۋاقىتشا گوسپيتال قۇرۋعا ءماجبۇر. ال، ەلدىڭ ءتۇرلى وڭىرلەرىندە شەكتەۋ شارالارى قايتا كۇشەيتىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى