قازاقستانعا كوروناۆيرۋستى زەرتتەۋدە روبەرت كوح ينستيتۋتى كومەكتەسەدى
ايتا كەتسەك، بۇعان دەيىن دەنساۋلىق ساقتاۋ ءمينيسترى الەكسەي سوي د د س ۇ- نىڭ ەۋروپالىق بيۋروسى جۇرگىزگەن تەحنيكالىق كەڭەستى ەسەپكە الا وتىرىپ، قازاقستاندا كۆي جاعدايلارىن كودتاۋ مەن تىركەۋدە حالىقارالىق اۋرۋلار كۆاليفيكاتسياسىنىڭ جاڭا كودىنا ءوتۋ تۋرالى شەشىم قابىلدانعانىن حابارلاعان ەدى.
«COVID-19 جاعدايلارىن تىركەۋدىڭ جاڭا امالىن قولدانۋ جۇقتىرۋى مۇمكىن پاتسيەنتتەردى تۇگەل قامتىپ، ستاتيستيكالىق امال- ادىستەردىڭ اشىقتىعىن قامتاماسىز ەتۋگە مۇمكىندىك بەرەدى. ءبىز د د س ۇ- نىڭ كەڭەسىن تولىق قولدانۋعا دايىنبىز» ، - دەدى الەكسەي سوي و ك ق- دا وتكەن باسپا ءسوز ءماسليحاتىندا.
د د س ۇ- نىڭ ەۋروپا بيۋروسىنىڭ ساراپشىلارى تەحنيكالىق كەڭەس بارىسىندا قازاقستان د د س ۇ زەرتحاناسىندا گەرمانياداعى روبەرت كوح ينستيتۋتىندا رەفەرەنتتى زەرتتەۋ جۇرگىزۋ بويىنشا د د س ۇ ەۋروپا بيۋروسىمەن كەلىسىمگە كەلگەن.
«بۇل كوروناۆيرۋس پاندەمياسىنا قارسى كۇرەستە ءبىزدىڭ مەملەكەت اشىق ساياسات جۇرگىزەتىنىن كورسەتەدى. ءبىز د د س ۇ كەڭەسىن باسقا مەملەكەتتەر دە قولدانادى دەگەن ۇمىتتەمىز» ، - دەدى ول.
