ايدا بالايەۆا كوميسسيا مۇشەلەرىنە: باياندامانى قازاقشا دا جاساڭىزدار
«بارلىق بايانداماشىلارعا ايتارىم، سلايدتىڭ ءبارى ورىسشا بولعاننان كەيىن وزدەرىڭىزدىڭ باياندامالارىڭىزدى قازاقشا جاساۋعا بولادى عوي. ويتكەنى، بۇل جينالىسىمىز فەيسبۋكتە ءوتىپ جاتىر. بۇعان قوسا، ءبىز اقپاراتتاندىرۋ ماسەلەسىن ايتىپ وتىرمىز. ال مەملەكەتتىك تىلدە اقپارات جەتكىلىكتى ەمەس. جۇمىسىمىز ورىس تىلىندە جۇرگىزىلگەننەن كەيىن حالىق تۇسىنبەي وتىر»، - دەپ ەسكەرتتى مينيستر.
ونىڭ اتاپ وتۋىنشە، بايانداماشىنىڭ سلايدى ورىس تىلىندە بولسا، وندا بايانداماسىن قازاق تىلىندە جاساۋى قاجەت.
«سلايدتارىمىز ورىسشا جاسالسا، باياندامانى قازاقشا جاساۋعا بولادى. نە بولماسا سلايدتاردى قازاقشا، باياندامانى ورىسشا جاساساق. كوميسسيا مۇشەلەرى جانە بايانداماشىلار وسى ماسەلەنى قاپەردە ۇستاۋ قاجەت سياقتى»، - دەدى ايدا بالايەۆا.
ايتا كەتەيىك، ايدا بالايەۆانىڭ توراعالىعىمەن ونلاين فورماتتا وتكەن اقپاراتقا قول جەتكىزۋ ماسەلەلەرى جونىندەگى كوميسسيانىڭ وتىرىسىندا مۇمكىندىگى شەكتەۋلى ادامداردىڭ اقپاراتقا قول جەتكىزۋ ماسەلەلەرى، مەملەكەتتىك ورگانداردىڭ اشىقتىق دەڭگەيىن جىل سايىنعى باعالاۋدىڭ نەگىزگى قورىتىندىلارى، مەملەكەتتىك ورگانداردىڭ ينتەرنەت-رەسۋرستارىنىڭ ءبىرىڭعاي تۇعىرناماسىنىڭ جۇمىسى، سونداي-اق «اشىق بيۋجەتتەر» پورتالىن جەتىلدىرۋ بويىنشا جۇمىس جوسپارىنىڭ ورىندالۋى تالقىلاندى.
