ەلوردادا دارىلىك زاتتاردى قىمبات باعاعا ساتىپ كەلگەن ءدارىحانالار انىقتالدى

بۇل تۋرالى قازاقپارات ەلورانىڭ پوليتسيا دەپارتامەنتىنە سىلتەمە جاساپ حابارلايدى.

ءدارىحانا قىزمەتكەرلەرى دارىلىك پرەپاراتتاردى قازاقستان رەسپۋبليكاسى دەنساۋلىق ساقتاۋ ءمينيسترىنىڭ «بولشەك جانە كوتەرمە ساۋدا ءۇشىن دارىلىك زاتتىڭ ساۋدا اتاۋىنا شەكتى باعالاردى بەكىتۋ تۋرالى» بۇيرىعىن بۇزىپ ساتقان.

تەكسەرۋ بارىسىندا 246 وراما ءدارى-دارمەك تاركىلەندى، سونىڭ ىشىندە «ازيتروميتسين»، «تسەف3»، «پاراتسەتامول»، «ينگاۆەرين»، «دەكتامەتازون»، «تسەفترياكسون» جانە تاعى باسقالارى، 1983 مەديتسينالىق ماسكا، 4000 دانا قولعاپ، 100 قۇتى انتيسەپتيكالىق قۇرال بار.

تاركىلەنگەن پرەپاراتتاردىڭ جالپى سوماسى 1000000 تەڭگەدەن استى.

مونيتورينگ جۇرگىزۋ توبىنىڭ قىزمەتكەرلەرى ەلوردا ءدارىحانالارىندا مەديتسينالىق پرەپاراتتاردى ق ر زاڭناماسىن بۇزىپ ساتۋ فاكتىلەرىن انىقتاۋ بويىنشا تۇراقتى تۇردە رەيد شارالارىن جۇرگىزۋدە. بارلىق انىقتالعان فاكتىلەرگە قۇقىقتىق تۇرعىدان باعا بەرىلىپ، كىنالى ازاماتتار جاۋاپقا تارتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى