جاپونيادا كوروناۆيرۋس جۇقتىرعاندار كوبەيدى

Kyodo اگەنتتىگىنىڭ مالىمدەۋىنشە، ەل استاناسى تەك توكيونىڭ وزىندە ءبىر كۇندە - رەكورد 286 جاعداي تىركەلگەن. بۇل مامىر ايىندا توتەنشە جاعداي توقتاتىلعاننان كەيىن ىندەتتىڭ قايتا ءورشي باستاعانىن كورسەتەدى.

جاپونيادا پاندەميا كەزىندە جالپى 23600 كوروناۆيرۋس جۇقتىرۋعا قاتىستى جاعداي تىركەلگەن.

قازىر توكيودا كوروناۆيرۋس جۇقتىرعاندار سانى 8640 ادامعا جەتتى. توكيو گۋبەرناتورى يۋريكو كويكەنىڭ تۇسىندىرۋىنشە كوروناۆيرۋستىڭ استانادا تەز كوبەيىپ كەتۋىنە كۇن سايىن 4 مىڭنان استام تەست جاسالا باستاۋى سەبەپشى بولعان.

توكيونى قورشاپ تۇرعان ءۇش پرەفەكتۋرا - چيبا، كاناگاۆا، سايتاما سونىمەن قاتار وساكا پرەفەكتۋراسىندا سوڭعى تاۋلىكتە COVID-19 جۇقتىرۋشىلاردىڭ رەكورد سانى تىركەلگەن. بۇل ەلدە 25- مامىردا توتەنشە جاعداي توقتاتىلعاننان كەيىن العاش بولىپ وتىر. وساكادا 66 ادام كوروناۆيرۋس جۇقتىرسا، سايتامدا - 49، كاناگاۆتا 48، چيبادا 32 ناۋقاس تىركەلگەن.

«ءبىز توكيودا ۆيرۋس جۇقتىرعانداردىڭ ورتا جاستاعى ادامدار اراسىندا كوبەيىپ كەتۋىنە الاڭداپ وتىرمىز»، - دەدى ىندەتكە قارسى شارالاردى ازىرلەۋگە جاۋاپتى مينيستر ياسۋتوشي نيسيمۋرا.

ونىڭ ايتۋىنشا، ۇكىمەت قايتادان توتەنشە جاعداي جاريالاماس بۇرىن جاعدايدىڭ بەتالىسىن ءجىتى قاداعالاپ وتىرماق.

سارسەنبى توكيو بيلىگى COVID-19-دى جاڭادان جۇقتىرعاندار سانى كوبەيۋىنە بايلانىستى ءتورت دەڭگەيلى دابىلدىڭ ەڭ جوعارعىسىن جاريالادى. قالا تۇرعىندارىنا اسا ماڭىزدى ەمەس باسقا وڭىرلەرگە ساپارىنان باس تارتۋ، تۇنگى كلۋب پەن مەيرامحانالارعا بارماۋ ۇسىنىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى