رەسەيدە ۆاكسينا سىناماسىنا قاتىسقاندار ۇيىنە جىبەرىلدى

ناتيجەسى بويىنشا بارلىق ادامدار وزدەرىن جاقسى سەزىنەدى جانە اعزالارىندا يممۋنيتەت قالىپتاسقان. بۇل تۋرالى سەچەنوۆ اتىنداعى ۋنيۆەرسيتەتتىڭ عالىمدارى مالىمدەدى. سىناماعا بارلىعى 38 ادام قاتىسقان. ونىڭ 18-ىندە زەرتتەۋ جۇمىستارى قازىر اياقتالدى. ۆاكسينانى ەرىكتەلەرگە ەككەن سوڭ كەيبىرىنىڭ دەنە قىزۋى كوتەرىلگەن. ەندى ءبىرىنىڭ بۋىنى شانشىپ، ءىشى اۋىرعان. دەسە دە 20 كۇننەن سوڭ بۇل بەلگىلەر ساپ تىيىلعان.

ايتا كەتەيىن، زەرتتەۋ جۇمىستارىنا قاتىستى سوڭعى شەشىمدى گامالەي ينستيتۋتى قابىلدايدى. سودان سوڭ عانا دەنساۋلىق ساقتاۋ مينيسترلىگى ونى تىركەۋگە الادى. ال جوسپار بويىنشا تامىزدىڭ ورتاسىنان ۆاكسينانى جاپپاي سىناۋ جۇمىستارى باستالادى.

ۆاديم سەچەنوۆ، ۋنيۆەرسيتەت جەتەكشىسى:

- ۆاكسيناعا قولدانىلعان نەگىز ەكى ون جىلدىق بويى ويلاپ تابىلعان. ونىڭ نەگىزىندە جاڭا ءدارى- دارمەك شىعارۋعا بولادى. بۇعان دەيىن كوپتەگەن ۆاكسينا وسىدان الىندى. ونىڭ قاتارىندا 5000 ادام سىناماسىنا قاتىسقان ەبولاعا قارسى ۆاكسيناسى دا بار. سوندىقتان دا ءبىزدىڭ پرەپارات ويلاپ تابۋىمىز ۇزاققا سوزىلمادى. ويتكەنى دايىن نەگىزدى قولداندىق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى