ءدارى-دارمەكتىڭ قىمباتتاۋى: كوميتەت سەنىم تەلەفونىن جاريالادى

بۇل تۋرالى قازاقپارات ق ر قارجى مينيسترلىگى قارجى مونيتورينگى كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.

نۇر-سۇلتان قالاسى بويىنشا ەكونوميكالىق تەرگەۋ دەپارتامەنتى قىزمەتكەرلەرى جۇرگىزگەن جەدەل ءىس-شارالار ناتيجەسىندە ق ر دەنساۋلىق ساقتاۋ مينيسترلىگىنىڭ «بولشەك جانە كوتەرمە ساۋدادا وتكىزۋ ءۇشىن دارىلىك زاتتىڭ ساۋدالىق اتاۋىنا شەكتى باعالاردى بەكىتۋ تۋرالى» بۇيرىعىنا قايشى ءدارى-دارمەكتەردى كوتەرىڭكى باعادا ساتۋدىڭ ءۇش فاكتىسىن انىقتادى.

«قالاداعى ءۇش ءدارىحانا قىزمەتكەرلەرى ءبىر قاپتاماداعى 1000 م گ «فلەموكسين سوليۋتاب اموكسيتسيللين» ءدارىسىنىڭ 20 تابلەتكاسىن 4800 تەڭگەگە، «سۋمامەد» ءدارىسىنىڭ ءبىر وراماسىن 7250 تەڭگەگە جانە ءبىر وراما «گروپرينوسين 500 م گ» 7500 تەڭگەگە كوتەرىڭكى باعادا ساتقان»، - دەلىنگەن باسپا ءسوز حابارلاماسىندا.

تەكسەرىس بارىسىندا 16 قاپتاما «فلەموكلاۆ سوليۋتاب 500 م گ+125 م گ»، 7 وراما «سۋمامەد 500م گ»، 18 وراما «سۋمامەد 250 م گ» جانە «گروپرينوسين 500 م گ» ءدارىسىنىڭ 11 وراماسى تاركىلەنىپ الىندى.

اتالعان قۇقىققا قايشى ءىس-ارەكەت بويىنشا تەرگەۋ امالدارى جۇرگىزىلۋدە. ايىپتى تۇلعالار جاۋاپكەرشىلىكە تارتىلاتىن بولادى.

ق ر ق م قارجى مونيتورينگى كوميتەتى مەن نۇر-سۇلتان قالاسى بويىنشا ە ت د قالا تۇرعىندارى مەن قوناقتارىن ءدارى-دارمەكتەردى كوتەرىڭكى باعامەن ساتۋ فاكتىلەرى بەلگىلى بولعان جاعدايدا كوميتەتتىڭ - 87172708478، دەپارتامەنتتىڭ - 87172316145 سەنىم تەلەفوندارى ارقىلى حابارلاۋىن سۇرايدى.

ەسكە سالساق، بۇعان دەيىن ءدارىنىڭ قىمباتتىعىنا شاعىمدانۋعا بولاتىن وڭىرلەر بويىنشا تەلەفون نومىرلەرىن جاريالاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى