قازاقستانعا قاي ەلدەر گۋمانيتارلىق كومەك رەتىندە ءدارى- دارمەك جىبەردى

بۇل تۋرالى ورتالىق كوممۋنيكاتسيالار قىزمەتىندەگى برفينگ بارىسىندا ق ر دەنساۋلىق سىرتقى ىستەر ءمينيسترىنىڭ ورىنباسارى ەرجان اشىقبايەۆ ايتتى، دەپ حابارلايدى قازاقپارات ءتىلشىسى.

«گۋمانيتارلىق كومەك رەتىندە ءدارى- دارمەكتى ءبىز جالپى سانى 7 تاراپتان العان بولاتىنبىز. ولار: ءۇندىستان، پاكىستان، رەسەي فەدەراتسياسى، جاپونيا جانە تۇركيا، سونداي- اق تۇركيالىق ەكى كومپانيا. وسى ءدارى- دارمەكتىڭ ىشىندە ەڭ ەلەۋلى ۇلەس - گيدروكسيحلوريد ءدارىسىنىڭ 90 مىڭ داناسىن، حلوروحين ءدارىسىنىڭ 100 مىڭ داناسىن، اۆيگاننىڭ 10200 داناسىن، اتسەتيلتسيستەيننىڭ 10 200 داناسىن جانە پلاكۆەنيلدىڭ 10 مىڭ داناسىن الۋىمىز. قالعان پرەپاراتتار 100, 150, 300, 500, 1500 دانادان كەلگەن بولاتىن»، - دەدى ەرجان اشىقبايەۆ.

ونىڭ اتاپ وتۋىنشە، ءدارى- دارمەككە رۇقسات قاعازى الىنعاننان كەيىن قويمادا جاتىپ قالعان ەمەس. ءتيىستى مەكەمەلەرگە تاراتىلدى. سونىمەن قاتار ول الەۋمەتتىك جەلىدە ءبىراز شۋ بولعان كاتاردان كەلگەن جۇكتىڭ ىشىندە ءدارى- دارمەكتىڭ بولماعانىن اتاپ ءوتتى.

«سوندىقتان ەكى نارسەنى شاتاستىرمايىق. كەلگەن ءدارى- دارمەكتىڭ ءبارى دە بىردەن ورتاق ديستريبيۋتور ارقىلى مەديتسينالىق مەكەمەلەرگە جەتكىزىلىپ تۇرادى»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى