قىرعىزستان پرەزيدەنتىنە ەلدەگى كوروناۆيرۋس جاعدايىنا بايلانىستى ارىز ءتۇستى

رەسپۋبليكانىڭ باس پروكۋراتۋراسىنىڭ مالىمەتىنشە، 13- شىلدەدە راۋشان ايتقۇلوۆا ەسىمدى ازاماتشادان جەەنبەكوۆ پەن باسقا دا جوعارى شەندى شەنەۋنىكتەردى ەلدەگى ەپيدەميولوگيالىق جاعدايعا بايلانىستى ارىز تۇسكەن.

«ارىز پروكۋراتۋرانىڭ جالپى بولىمىندە تىركەلدى»، - دەلىنگەن ۆەدومستۆو حابارلاماسىندا.

بۇعان دەيىن راۋشان ايتقۇلوۆا الەۋمەتتىك جەلىدە ەل پرەزيدەنتىن جاۋاپكەرشىلىككە تارتۋ كەرەگىن ايتىپ، يمپيچمەنتكە قول جيناي باستاعان. ونىڭ ايتۋىنشا، پەتيتسياعا 2,5 ازامات قول قويعان. پرەزيدەنت اكىمشىلىگى ازىرگە ايتقۇلوۆانىڭ ارىزىنا پىكىر بىلدىرمەدى.

سوڭعى مالىمەتتەر بويىنشا، قىرعىزستاندا كوروناۆيرۋس جۇقتىرعان 11,5 مىڭ ادام انىقتالعان. ونىڭ ىشىندە 4995 ادام اۋرۋدان ايىعىپ، جالپى 149 ادام قايتىس بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى