الەكسەي سوي ەكس-مينيستر ءبىرتانوۆقا: جىلدام ساۋىعىپ، قاتارعا ورالۋىڭىزدى تىلەيمىن
«قۇرمەتتى ەلجان امانتاي ۇلى! ەل ءۇشىن كۇردەلى وسىناۋ كەزەڭدە ءسىز كوروناۆيرۋسپەن كۇرەستە العى شەپتە ءجۇردىڭىز. ءسىزدىڭ وڭىرلەردەگى جانە ينفەكتسيا وشاقتارىنداعى، تىكەلەي حالىقپەن جانە ماماندارمەن جۇمىسىڭىز دەنساۋلىق ساقتاۋ جۇيەسىندەگى پوزيتيۆتى وزگەرىسكە الىپ كەلدى. وكىنىشكە قاراي، ۆيرۋس ەشكىمدى اياپ جاتقان جوق. جىلدام ساۋىعىپ، قاتارعا ورالۋىڭىزدى شىن جۇرەكتەن تىلەيمىن»، - دەپ جازدى ا. سوي Facebook-تەگى پاراقشاسىندا.
ەسكە سالايىق، ق ر پرەزيدەنتىنىڭ جارلىعىمەن الەكسەي ۆلاديميروۆيچ سوي دەنساۋلىق ساقتاۋ ءمينيسترى قىزمەتىنە تاعايىندالدى. ونىڭ الدىندا ءماجىلىس دەپۋتاتتارى ونىڭ كانديداتۋراسىن ءبىراۋىزدان ماقۇلدادى.
بيىلعى 22- ماۋسىم كۇنى ا. سوي دەنساۋلىق ساقتاۋ ءبىرىنشى ۆيتسە-ءمينيسترى بولىپ تاعايىندالعان ەدى.
