رەسەيلىك كومپانيادان زارداپ شەككەن فەرمەرلەرگە كومەك كورسەتىلەدى - مينيسترلىك

ۆەدومستۆو فەرمەرلەر شەتتەن مالدى جەتكىزۋ وپەراتورىن وزدەرى تاڭداعانىن، ق ر اۋىل شارۋاشىلىعى مينيسترلىگى، «قازاگرو» حولدينگى مەن ونىڭ ەنشىلەس ۇيىمدارىنىڭ قاتىسۋىنسىز جاسالعانىن مالىمدەدى. «قازاگرو» حولدينگىنىڭ ەنشىلەس كومپانيالارىنان نەسيە قاراجاتىن العاننان كەيىن، قازاقستاندىق فەرمەرلەر «كاماگرو» كومپانياسىمەن چەحيا مەن پولشادان 1269 ءىرى قارا مالىن جەتكىزۋ تۋرالى كەلىسىم جاساسقان.

«ارى قاراي كەلىسىمشارتتىق مىندەتتەمەلەرگە سايكەس، فەرمەرلەر «كاماگروعا» كەلىسىمشارت سوماسىنان ورتا ەسەپپەن 89 پايىز اۆانس جىبەرگەن. 1269 باس ءىرى قارا مالدىڭ تەك ءبىر بولىگى عانا جەتكىزىلگەن. سونىمەن قاتار، قازاقستاندىق فەرمەرلەر رەسەيدىڭ «كاماگرو» كومپانياسىنا ءمۇيىزدى ءىرى قارا مالدىڭ اسىل تۇقىمى تۋرالى شاعىم ءتۇسىرىپ وتىر، ياعني اسىل تۇقىمدى مالدىڭ ورنىنا، ساۋدالىق مال جەتكىزىلگەن»، - دەلىنگەن ق ر ا ش م باسپا ءسوز قىزمەتىنىڭ حابارلاماسىندا.

قازاقستان رەسپۋبليكاسىنىڭ «اسىل تۇقىمدى مال شارۋاشىلىعى تۋرالى» زاڭىنا سايكەس، اسىل تۇقىمدى مالدىڭ مارتەبەسىن تاۋەلسىز اككرەديتتەلگەن قوعامدىق ۇيىمدار بەلگىلەيدى. وسى ورايدا ۇيىم چەحيا مەن پولشادان «كاماگرو» اكەلگەن مالدىڭ تۇقىمدىق مارتەبەسىن راستاماعان.

«ورىن العان جاعدايعا بايلانىستى ق ر اۋىل شارۋاشىلىعى مينيسترلىگى وكىلدەرى فەرمەرلەرمەن بىرگە قازان قالاسىنا بارىپ، تاتارستان رەسپۋبليكاسىنىڭ اۋىل شارۋاشىلىعى جانە ازىق- تۇلىك مينيسترلىگىنىڭ الاڭىندا بىرنەشە رەت كەلىسسوزدەر وتكىزدى. سونىمەن قاتار، چەحيا اۋىل شارۋاشىلىعى ءمينيسترىنىڭ ورىنباسارىمەن جانە چەحيا رەسپۋبليكاسىنىڭ قازاقستانداعى ەلشىسىمەن كەزدەسۋلەر ۇيىمداستىردى. وسى كەزدەسۋلەردىڭ جانە تاتارستاننىڭ قۇقىق قورعاۋ ورگاندارىمەن ءوزارا جۇمىس جۇرگىزۋدىڭ ناتيجەسىندە، قازاقستان اۋىل شارۋاشىلىعى مينيسترلىگى فەرمەرلەردىڭ مۇددەلەرى ءۇشىن قىلمىستىق ءىس قوزعاۋعا قول جەتكىزدى»، - دەپ اتالىپ وتكەن تاراتىلعان مالىمەتتە.

قازىرگى ۋاقىتتا مينيسترلىك 16 قازاقستاندىق فەرمەردىڭ پروبلەمالارىن شەشۋ ءۇشىن بارلىق شارالاردى قابىلداۋدا.

«قازاگرو» حولدينگىنىڭ ەنشىلەس كومپانيالارىنا زارداپ شەككەن فەرمەرلەرگە تولەمدى كەيىنگە قالدىرۋ جانە سىياقىنى 2020 -جىلدىڭ 1 - شىلدەسىنە دەيىن توقتاتا تۇرۋ ۇسىنىلدى. بارلىق ايىپپۇلدار دا الىنىپ تاستالادى. بۇل ماسەلە ق ر اۋىل شارۋاشىلىعى مينيسترلىگىنىڭ قاداعالاۋىنا الىنىپ، 16 فەرمەرگە تۇراقتى كەڭەس بەرىلىپ، ارنايى ماماندار بەكىتىلدى. وسى ورايدا ۇنەمى باقىلاۋ جۇرگىزىلەدى جانە بارلىق كەلىپ تۇسكەن وتىنىشتەر جەكە قاراستىرىلادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى