ايدوس ۇكىباي ەلباسىنىڭ دەنساۋلىعى تۋرالى ايتتى
«وسى كۇندەرى ب ا ق تاراپىنان ەلباسىنىڭ دەنساۋلىعىنا قاتىستى كوپتەگەن ساۋالدار كەلىپ ءتۇستى. نۇرسۇلتان نازاربايەۆ ءوزىن جاقسى سەزىنەدى جانە دارىگەردەردىڭ ايتقان كەڭەسىن ۇستانىپ، وقشاۋلانۋ رەجيمىن ساقتاۋدا»، - دەدى ايدوس ۇكىباي twitter پاراقشاسىندا.
ەسكە سالساق، ەلباسى نۇرسۇلتان نازاربايەۆتىڭ COVID-19 عا تاپسىرعان سىناماسى وڭ ناتيجە كورسەتكەنى بۇعان دەيىن حابارلانعان بولاتىن. كەيىن ەلباسىنىڭ باسپا ءسوز حاتشىسى ايدوس ۇكىباي تۇڭعىش پرەزيدەنتتىڭ دەنساۋلىعىنا قاتىستى الاڭداۋعا نەگىز جوق ەكەنىن ايتتى.
سونداي-اق ول قازاقستاندىقتاردىڭ بىرلىگى، ولاردىڭ ىزگى جانە شىن كوڭىلدەن بىلدىرگەن تىلەكتەرى نۇرسۇلتان نازاربايەۆقا كۇش بەرەتىنىن جانە ەلباسى وزىنە جازىلعان حاتتار مەن تەلەگراممالاردى وقىپ شىعاتىنىن جەتكىزدى.
