كيم چەن ىن وڭتۇستىك كورەياعا قارسى اسكەري جوسپارىن كەيىنگە قالدىردى
باسىلىمنىڭ مالىمەتىنشە، كورەيا ورتالىق تەلەگراف اگەنتتىگى تاراتقان اقپاراتقا قاراعاندا، ك ح د ر مەملەكەتتىك كەڭەسىنىڭ ءتوراعاسى كيم چەن ىن كورەيا ەڭبەك پارتياسىنىڭ جەتىنشى شاقىرىلىمىنداعى ورتالىق اسكەري كوميتەتتىڭ بەسىنشى سەسسياسىنىڭ الدىن الا وتىرىسىن وتكىزگەن.
سول كەزدە وڭتۇستىككە قارسى باس شتاب ۇسىنعان اسكەري جوسپاردى كەيىنگە قالدىرعان.
وتىرىستا كورەيا ەڭبەك پارتياسى ورتالىق اسكەري كوميتەتىنىڭ بەسىنشى سەسسياسىندا تالقىلاناتىن، سونداي-اق «ەلدىڭ اسكەري كۇشىن ودان ءارى نىعايتاتىن مەملەكەتتىك شارالار» بەلگىلەنگەن اسكەري ساياساتتاعى نەگىزگى جوبالار، باياندامالار جانە قاۋلىلار قاراستىرىلعان.
وتىرىس بەينەكونفەرەنتسيا رەجيمىندە وتكەن.
ايتا كەتەيىك، ك ح د ر ءوز تەرريتورياسىنا وڭتۇستىك كورەيا تاراپىنان كەلگەن قاعازدارعا بايلانىستى كىنا تاققاننان كەيىن ەكى ەل اراسىنداعى شيەلەنىس تاعى دا قيىندادى.
16- ماۋسىمدا سولتۇستىك كورەيا وڭتۇستىك كورەياداعى كوورديناتسيالىق بيۋرو عيماراتىن جاردى. كەلەسى كۇنى ك ح د ر باس شتابى شەكارالىق اۋداندارعا اسكەر كىرگىزەتىنىن جانە سول جاقتا وقۋ-جاتتىعۋدى جانداندىراتىنىن، سونداي-اق وڭتۇستىك كورەياعا قارسى ناسيحاتتاۋ كامپانياسىن باستايتىنىن حابارلادى.
