ۇ ب ت-دان شەتتەتىلگەن بالالارعا مينيسترلىك وزدەرى كومەكتەسپەك
بۇل تۋرالى ق ر ب ع م ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ەلىمىزدە 10007 تۇلەك بۇگىن ۇ ب ت تاپسىرۋعا ءوتىنىش بەرگەن. ونىڭ ىشىندە قازىر ەلىمىزدىڭ 17 وڭىرىندەگى 77 ۇ ب ت وتكىزۋ پۋنكتىندە تەستىلەۋ وتكىزىلىپ جاتىر. 9 ى قالالىق جەردە، 68 ى اۋىلدى ەلدى مەكەندەردە ورنالاسقان»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا. سونىمەن قاتار، ول تەست تاپسىرۋعا جىبەرىلمەگەن بالالارمەن پسيحولوگتەر جۇمىس ىستەيتىندىگىن ايتتى.
«جالپى، تەستىلەۋدەن شەتتەتىلگەن بالالارمەن مەكتەپ پسيحولوگتەرى، اتا-انالار، مەكتەپ مۇعالىمدەرى ءتيىستى جۇمىس جۇرگىزەدى. ءبىز دە بۇل شارالاردان تىس قالىپ وتىرعان جوقپىز. تەستتەن شەكتى بالل الا الماي قالعان بالالارمەن دە ءتيىستى جۇمىستار جۇرگىزەتىن بولامىز. ال دەنە قىزۋىمەن كەلگەن بالالارعا مەديتسينالىق كومەك قاجەت بولادى»، - دەدى ناۋجان ديداربەكوۆا.
