ەلوردادا دەمالىس كۇندەرى قانداي نىساندار جۇمىس ىستەمەيدى
«نۇر-سۇلتان قالاسىندا 2020 -جىلعى 19-ماۋسىم ساعات 22.00 دەن باستاپ 2020 -جىلعى 22-ماۋسىم ساعات 00.00 گە دەيىن دەمالىس كۇندەرى شەكتەۋ جانە كارانتيندىك ءىس-شارالاردى ۋاقىتشا كۇشەيتۋ ەنگىزىلسىن. قالا اكىمدىگىنە، مەملەكەتتىك مەكەمەلەرگە، مەنشىك نىسانىنا قاراماستان كاسىپكەرلىك سۋبەكتىلەرى مەن ۇيىمدارعا جانە نۇر-سۇلتان قالاسىنىڭ تۇرعىندارىنا:
- كارانتين رەجيمىن، شەكتەۋ جانە ەپيدەمياعا قارسى ءىس- شارالاردى ساقتاۋدى قامتاماسىز ەتۋ؛
- اسا قاجەتسىز قالا سىرتىنا كىرۋدى/شىعۋدى شەكتەۋ؛
- قالا بويىنشا جاياۋ جانە جەكە كولىكپەن جۇرۋگە تىيىم سالىنسىن، كەلەسى جاعدايلاردى قوسپاعاندا: تۇرعىلىقتى جەرىنەن جۇمىس ورنىنا دەيىن جانە كەرى قاراي جۇرۋىنە قوسىمشاعا سايكەس ۇيىمدار ءۇشىن جۇمىس ورنىنان انىقتاما (نەمەسە قىزمەتتىك كۋالىك) بولعان جاعدايدا؛
- ازىق-تۇلىك تاۋارلارىن، ءدارى-دارمەك پرەپاراتتارىن جانە مەديتسينالىق بۇيىمداردى تۇراتىن ءۇيىنىڭ نەمەسە جۇمىس ورنىنا جاقىن دۇكەندەردەن، ءدارىحانالاردان ساتىپ الۋ؛
- شۇعىل جاعدايلاردا عانا مەديتسينالىق ۇيىمدارعا بارۋ؛
- ءۇي جانۋارلارىن تۇرعىلىقتى جەرىنە جاقىن جەردە سەرۋەندەتۋ»، - دەلىنگەن قاۋلىدا.
سونداي-اق نۇر-سۇلتان قالاسىنىڭ تۇرعىندارىنا 18 جانە 19-ماۋسىم كۇندەرى ءبىرىنشى قاجەتتىلىكتەگى تاۋارلار مەن ءدارى- دارمەكتەردى الدىن الا ساتىپ الۋ ۇسىنىلادى.
65 جاستان اسقان تۇلعالارعا ۋاقىتشا شەكتەۋلەر كەزەڭىندە وسى قاۋلىنىڭ 1-تارماعىنىڭ 3) تارماقشاسىندا كورسەتىلگەن جاعدايلاردى قوسپاعاندا، اسا قاجەتسىز كوشەگە شىعۋعا شەكتەۋ قويىلادى. ساۋدا ورتالىقتارىندا، بازارلاردا، قوعامدىق كولىكتەردە، ازىق- تۇلىك جانە تۇرمىستىق دۇكەندەرىندە، قىزمەت كورسەتۋ ورىندارىندا جانە كوپشىلىك جينالاتىن ورىنداردا دەزينفەكتسيالىق شارالار وتكىزىلەدى.
«قالا اكىمدىگىنە، مەملەكەتتىك مەكەمەلەرگە، مەنشىك نىسانىنا قاراماستان كاسىپكەرلىك سۋبەكتىلەرى مەن ۇيىمدارعا 2020 -جىلعى 19-ماۋسىم ساعات 22.00-دەن باستاپ 22-ماۋسىم ساعات 00.00 گە دەيىن وسى قاۋلىنىڭ قوسىمشاسىنا سايكەس وبەكتىلەردى قوسپاعاندا، بارلىق ۇيىمداردىڭ، مەنشىك نىسانىنا قاراماستان كاسىپكەرلىك سۋبەكتىلەرىنىڭ قىزمەتى توقتاتىلادى. كەلەسى كاسىپكەرلىك سۋبەكتىلەرى مەن وبەكتىلەرىنىڭ جۇمىسىنا تىيىم سالۋ، ونىڭ ىشىندە:
- ساۋدا، ويىن- ساۋىق ورتالىقتارى، ساۋدا ورتالىقتارى، ساۋدا ۇيلەرى، بازارلار جانە ازىق- تۇلىك جانە ازىق- تۇلىك ەمەس تاۋارلاردىڭ دۇكەندەرى، جارمەڭكەلەر؛
- مەيرامحانا، كافە، فاست- فۋد، فۋدكورت، اسحانالار جانە باسقا دا قوعامدىق تاماقتانۋ ورىندارى، قوعامدىق تاماقتانۋ كاسىپورىندارىنان باسقا، 50 دەن اسپايتىن وتىراتىن ورنى بار جانە جەتكىزۋ سەرۆيسى؛
- فيتنەس- ورتالىقتار، فيتنەس-كلۋبتار، جاتتىعۋ زالدارى، سپورت كەشەندەرى، باسسەيندەر؛
- SPA- ورتالىقتار، SPA- سالوندار، سۇلۋلىق سالوندارى، شاشتاراز، تىرناق ستۋديالارى، باربەر- شوپتار، سولياريلەر، ماسساج ورتالىقتارى جانە قىزمەت كورسەتۋ سالاسىنىڭ باسقا دا ۇقساس وبەكتىلەرى؛ - قوعامدىق مونشالار، باسسەيندەر، ساۋنالار؛
- قوعامدىق كولىكتىڭ قوزعالىسى؛
- اتىس ورىندارى، تيرلەر؛
- قۇرىلىس الاڭىنان تىس شىقپاستان جۇمىس رەجيمىن قامتاماسىز ەتۋ مۇمكىندىگىمەن جۇمىسشىلارعا ارنالعان قۇرىلىس الاڭدارىندا جاتاقحانالارى بار قۇرىلىس كومپانيالارى؛
- قوعامدىق ورىنداردىڭ: ساياباقتاردىڭ، سكۆەرلەردىڭ، جاعالاۋلاردىڭ، كوشە ويىن الاڭدارىنىڭ جانە ازاماتتاردىڭ وزگە دە دەمالىس ورىندارىنىڭ جۇمىس ىستەۋى؛
- قولما-قول شەتەل ۆاليۋتاسىمەن وپەراتسيالاردى جۇزەگە اسىرۋعا قۇقىعى بار ۇيىمدار؛
- قارجى نارىعى مەن قىزمەتتەر سۋبەكتىلەرى وسى كەزەڭدە قارجى نارىعى مەن قارجى ۇيىمدارىن رەتتەۋ، باقىلاۋ جانە قاداعالاۋ جونىندەگى ۋاكىلەتتى ورگانداردىڭ نورماتيۆتىك قۇقىقتىق اكتىلەرىن باسشىلىققا السىن؛
- نۇر-سۇلتان قالاسىنا تەرريتوريالىق جاقىن ورنالاسقان تۋريستىك ايماقتارعا كىرۋدى جابۋ، ال كورسەتىلگەن ايماقتارداعى تۇلعالارعا - الەۋمەتتىك قاشىقتىقتى ساقتاۋ. وسى قاۋلىنىڭ قوسىمشاسىنا سايكەس قىزمەتىن جۇزەگە اسىراتىن مەنشىك نىسانىنا قاراماستان ۇيىمداردىڭ باسشىلارى مەن كاسىپكەرلىك سۋبەكتىلەرىنە:
- قىزمەتكەرلەردى قاشىقتان جۇمىس رەجيمىنە مۇمكىندىگى بويىنشا اۋىستىرۋ؛ - جۇمىس ورنىنا دەيىن جانە تۇرعىلىقتى جەرىنە كەرى ورتالىقتاندىرىلعان جەتكىزۋدى قامتاماسىز ەتۋ؛
- قىزمەتكەرلەردى جۇمىس ورنىنان انىقتامالارمەن قامتاماسىز ەتۋ. كوپپاتەرلى تۇرعىن ۇيلەردە ورنالاسقان تاماق ونىمدەرى مەن ءبىرىنشى قاجەتتىلىكتەگى تاۋارلاردى ساتۋدى جۇزەگە اسىراتىن دۇكەندەرگە (شاعىن ماركەتتەرگە) جۇمىس كەستەسى ساعات 10.00-دەن 17.00-گە دەيىن بەلگىلەنەدى.
الدىن الا بەكىتىلگەن كەستەلەر بويىنشا جانە بەكىتىلگەن الگوريتمدەرگە سايكەس جەكەلەگەن وقۋ ورىندارىنا ۇلتتىق ءبىرىڭعاي تەستىلەۋ مەن ءتۇسۋ ەمتيحاندارىن وتكىزۋگە رۇقسات ەتىلەدى.
